KL

DK

Kommunimi allaffissorneq oqummik ajornartoorfiusoq

Kommune Qeqertaliup Aasianni allaffeqarfia oqoqangaatsiarpoq. Tamanna sulisunut innuttaasunullu kalluaavoq, misissuisoqaqqittariaqarlunilu, Sullissivinni Pisortaq nalunaarpoq.

Aasianni kommunimi sullissiniarneq oqummik ajornartorsiornermik kalluarneqarpoq.
Morten Okkels
Morten Okkels Morten Okkels Morten Okkels Tusagassiortoq / aviisiortoq
Saqqummersinneqarpoq

Aasianni kommunip allaffeqarfia oqoqalersimasoq Kommune Qeqertalik Facebookimi quppernermini tusagassiuutitigullu nalunaaruteqarluni allappoq.

- Innuttaasut sulisullu peqqinnissaat isumannaallisaaviginissaallu pingaarnerpaatut salliutinneqassaaq. Pisoq ilungersunartorujussuartut tiguarput, siunnerfilimmillusuliaqarluta, allaffiit najussallugit peqqinnartuullutillu illersorneqarsinnaanissaat qulakkeerniarlugu, Sullissivinni Pisortaq Karl Villiam Jeremiassen oqarpoq.

Aasianni immikkoortortaqarfiit arlallit eqqugaappiut. soorlu INUIT, INOQARFIK, TIMI TARNI aamma INUA, taakkulu eqqorneqarnerisa qanoq annertutiginerat iliuusissallu pisariaqartut suussanersut misissorlugit sulisoqarpoq.

Kommune Qeqertalimmi immikkoortortaqarfiit sulisullu nuuttariaqartut nuunneqassapput. Innuttaasunik sullissinermi kinguartitsisoqarsinnaaneranik kinguneqarsinnaavoq.

Illorsuup pissusissaa naapertorlugu nalinginnaasumik misissorneqarnerani oqummik nassaartoqartoq kingornalu teknikkikkut misissuisoqarsimasoq, kommuni allappoq. Misissuisoqaqqittussaassallunilu.

- Kommune Qeqertalimmi teknikkikkut misissuinerit tiguneqarsimaleriarpata killiffik pillugu sapaatip-akunnerini tulliuttuni nutaarsiassaqartitseqqikkumaarluni naatsorsuutigineqarpoq, Sullissivinni Pisortaq oqarpoq.

kommune qeqertalik inuiaqatigiit aasiaat

Atorfiit tamaasa takukkit

PODCASTI

Powered by Labrador CMS