Kommunimit ikiorsiissutit qarasaasianik ajornartorsiuteqarneq pissutigalugu kinguaattoortut

Qarasaasiakkut ajornartorsiutit suli Kommuneqarfik Sermersuup ingerlatsineranik akornusersuipput.

Meeqqanut tapit kiisalu ikiorsiissutit assigiinngitsut juunip aallaqqaataani tunniunneqartussaagaluartut kinguaattoornissaat ilimagineqassasoq, kommuni naatsumik nalunaarummini ilisimatitsivoq.

Kinguaattoorneq qarasaasiat atorsinnaajunnaarnerannik patsiseqarpoq.

Kommunip ilanngullugu tapit marlunngornermi juunip aappaani tunniunneqarsinnaanissaat neriuutigalugu allappoq.

Kommunip kinguaattoorneq utoqqatsitsissutigaa.

Sapaatip akunnerani uani marlunngormat qarasaasiakkut annertuumik ajornartorsiutinik eqqugaallutik, Kommuneqarfik Sermersooq nalunaarpoq. Atortorissaarutit arlallit isumannaallisaaneq pissutigalugu matuneqarput, kommunilu sapaatip akunnerat sinnerani ajornartorsiutinik eqqugaaqqavoq.