KL

DK

Kujalleq nassuerpoq: Aningaasaqarnermut aqutsineq suli iluamik malinnaaffigineqarsinnaanngilaq

Kommune Kujallermi 2025-mut naatsorsuutit oqaaseqaataanni, aningaasaqarnermut aqutsineq naammaginanngitsoq allassimavoq. Kommunimi naatsorsuutit sinneqartoorfiupput, aqutsisoqarfiulli oqaatigaa aningaasaqarnerup aqunneqarnera pitsaasuusoq oqaatiginissaa mianersuutigineqartariaqartoq.

Kommune Kujallermi aningaasaqarnikkut ajornartorsiutit suli atuupput, naak kukkunersiuisut naapertorlugit sumiiffiit ilaanni pitsanngorsaasoqarsimagaluartoq.
Morten Okkels Morten Okkels Tusagassiortoq
Saqqummersinneqarpoq

Kommune Kujallermi aningaasaqarniarneq suli iluamik malinnaaffigineqarsinnaanngilaq, aamma aningaasanik aqutsineq suli ingerlallualinngilaq.

Kommunalbestyrelsip ataatsimiinnissaanut septembarip 30-anni saqqummiussami, kommunip aqutsisoqarfia taama allappoq.

Kommune Kujallermi aningaasaqarniarneq suli iluamik malinnaaffigineqarsinnaanngilaq, aamma aningaasanik aqutsineq suli ingerlallualinngilaq.

Kommunalbestyrelsip ataatsimiinnissaanut septembarip 30-anni saqqummiussami, kommunip aqutsisoqarfia taama allappoq.

Kommunip 2025-mut naatsorsuutai pillugit kukkunersiuisut isornartorsiuillutik nalunaarnerata kingorna taama nalunaaruteqartoqarpoq.

- 2025-mut naatsorsuutini kukkunersiuinikkut paasineqarpoq kommuni aningaasaqarnikkut aqutsinermik atuinermut aningaasaliissutinut sanilliullugu malinnaaffigineqarsinnaasumik suli pilersitsisimanngitsoq, BDO-mi kukkunersiuisut allapput.

BDO naapertorlugu 2025-mi ingerlatsinermut atorneqartussat 36,8 million koruuniusut amerlanerunissaannut immikkut aningaasaliisoqarnissaa qinnutigineqarnanilu akuerineqanngilaq.

Missingersuutigineqartutut, 15 million koruuningajannik ukiumut sinneqartoorutigineqarput:

- Missingersuutigineqartunit 19,9 million koruuninik tapiissuteqartoqarsimanera sanaartornermullu missingersuusiarineqartumit 16,6 million koruuninik annikinnerusunik atuisoqarsimanera pissutigalugu 2025-mi ajornerusumik inissittoqanngilaq, BDO allappoq.

Kukkunersiuisut siornatigut kukkunersiuinermi, oqaaseqaatit 19-it 2025-mut naatsorsuutinik misissuinermi suli naammassineqanngitsut, uteqqippaat.

Kommune Kujallermi allaffissornikkut aqutsisoqarfimmiit kukkunersiuisut oqaaseqaataat arlallit isumaqatigineqanngillat, ilaatigut sipaarniuteqarnissaq siunnersortillu avataaneersut pingaaruteqarnerat pillugit.

Kujataani allaffissornikkut aqutsisut kukkunersiuisut naliliineri, 2025-mi eqqortumik naatsorsueqqissaarnerup pingaartinneqannginneranik, tupaallannartumik assortorpaat.

- Allaffissornikkut aqutsisoqarfiup tamanna pingaarnerutinngilaa, kommunillu aningaasaqarneranik nalilersuinissamut tunngavissaqarluarnerusorinngilaat, nalunaarusiami allassimavoq.

Kommunalbestyrelsip naatsorsuutit septembarip 30-ani akuerai.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

2025-mut naatsorsuutit bdo kukkunersiuineq aningaasaqarnermut aqutsineq kommune kujalleq inuiaqatigiit

Atorfiit tamaasa takukkit

PODCASTI

Powered by Labrador CMS