Mette Frederiksen: Pissutsit najummassimanarput

Ministeriunerup Mette Frederiksenip tikeraarnini tusagassiortunut oqaaseqarluni naggaserpaa.

- Pissutsit najummassimanarput, maannali aqqummik Amerikamiunut misilitassatsinnik aqqutissaqalerpugut. Isumaqatigiissusiorumalluta oqartuaannarnikuuvugut, tamannaliuna ullumi Nuummi naapeqatigiissutigigipput.

Danskillu inuiannut kalaallinut annertuumik tapersiinerat takutinniarlugu Nuummukarluni oqaatigeqqippaa.

- Pisut kalaallinut innuttaasunut qanoq ajornakusoortiginerat malugisinnaavara. Ullumi inuit assigiinngitsorpassuit oqaloqatigiikka, taakkulu tamarmik assigiimmik oqaaseqarput. Kalaallit Nunaanniittusi tamassi Danmarkip qanoq ersaritsigisumi, sakkortutigisumik, annertutigisumik kialaartigisumillu tapersersoraasi malugisinnaagissi neriuppunga.

- Taamatullu aamma qanoq Europap Kalaallit Nunaat illersortigineraa malugisinnaagissi, ministeriuneq oqarpoq.

Jens-Frederik Nielseni anillalluni tusagassiortunik oqaloqatiginninngilaq, Mette Frederiksenilli taakku tamarmik qanoq isumaqatigiitsiginerat taanna sinnerlugu oqaatigisinnaalluarpaa.

- Isumaqatigiilluinnarpugut. Tamanna tamatsinnut, nunanut tamanut, inunnut, inatsisartunut naalakkersuisunullu pingaaruteqartorujussuuvoq; manna pillugu peqatigiinnerput, ataatsimoornerput immitsinnullu paaseqatigiinnerput.

Mette Frederiksen Nuummut nalunaaqutaq 11.08 tikippoq, Jens-Frederik Nielsenilu ataatsimeeqatigalugu. Mannalu timmisartorluni Danmarkimut utissaaq.