Ministeriuneq
Mette Frederiksen Folketingimi marlunngornermi
apeqqarsissaarfigineqarpoq, kingornalu Christiansborgimi
tusagassiortunik apersorneqarluni.
Danmarkip
EU-llu USA-p præsidentia qanorluunniit sioorasaarissagaluarpat
Kalaallit Nunaat imminiiginnarneqarunnanngitsoq qulakkeersinnaaneraa,
KNR-imit apeqqutigineqartut ilagaat.
Ministeriuneq
Mette Frederiksen Folketingimi marlunngornermi
apeqqarsissaarfigineqarpoq, kingornalu Christiansborgimi
tusagassiortunik apersorneqarluni.
Danmarkip
EU-llu USA-p præsidentia qanorluunniit sioorasaarissagaluarpat
Kalaallit Nunaat imminiiginnarneqarunnanngitsoq qulakkeersinnaaneraa,
KNR-imit apeqqutigineqartut ilagaat.
– Kalaallit
Nunaat imminiiginnarnavianngilara.
Tamanna qallunaat
ministeriuneratut qangalili
aalajangernikuuara,
Mette Frederiksen oqarpoq, taassumalu Kalaallit Nunaanni inuppassuit
qanoq misigineri paasilluarsinnaavai.
– Kalaallit
Nunaanni inuiaqatigiinni amerlasuut ilisarisimavakka, isumaqarpungalu
kalaallit taama nalaataqarnerat assut ajuusaarnartuusoq, Mette
Frederiksen oqarpoq, Naalakkersuisullu upalungaarsimanermut
tunngatillugu pilersaarutaat innersuussutigalugu. Naalakkersuisut
qallunaallu
naalakkersuisuisa akornanni piffissami matumani qanimut suleqatigiinnerat tamanit ilisimaneqartoq
aamma neriuutigaa.
Inuiaqatigiit
Kalaallit Nunaannut tapersersuinerat
USA-mi
nunarsuarmilu sumiiffinni allani Kalaallit Nunaat pillugu
iliuuseqartoqarnera maluginiarsimaneraa Sermitsiap ministeriuneq
aperaa. Neriuuteqarnersorlu.
– Nunat
killeqarfii akimorlugit
Kalaallit Nunaat inunnit tapersersorneqartoq malugisinnaagipput
isumaqarpunga.
Nuummi Danmarkimilu illoqarfinni assigiinngitsuni arfininngormat
akerliussutsimik
takutitsisuni
inuit amerlasuut aqqusinermi ingerlaartut assingi takugakkit
attortissutigaakka. Europami, nunani avannarlerni nunarsuarmilu
tamarmi Kalaallit Nunaat maannakkut annertuumik tapersersorneqartoq
malugineqarsinnaavoq.
USA-mi inuppassuit Danmark iliulluartutut
isigaat,
Kalaallillu Nunaat Nato-mut ilaasoq
– taamaattumillu akerleriittoqartussaanngikkaluarluni,
Mette Frederiksen oqarpoq, nangillunilu:
–
Neriuutissaqartoq
isumaqarpunga.
Kalaalerpassuit oqaatsit assillu atorlugit pissutsini makkunani
kalaaliuneq qanoq innersoq
oqaluttuarinnaavaa.
Tapersersuinermik
annertuumik malitseqassasoq
isumaqarpunga.
Tamannalu neriuuteqartitsivoq, Mette Frederiksen oqarpoq.
