Niuernerup nalinginnaanerpaartaa tassaavoq niuertoq pikkorissoq aningaasarsiorluarlunilu pisisunut tuniniaasunullu naleqartunngortitsisoq.
Allan Kristoffersen, siorna maajip aallaqqaataaniilli Brugsenimi pisortaasoq, suliaminik naammassinnissinnaanermut uppernarsaataavoq.
Niuernerup nalinginnaanerpaartaa tassaavoq niuertoq pikkorissoq aningaasarsiorluarlunilu pisisunut tuniniaasunullu naleqartunngortitsisoq.
Allan Kristoffersen, siorna maajip aallaqqaataaniilli Brugsenimi pisortaasoq, suliaminik naammassinnissinnaanermut uppernarsaataavoq.
Angusaqarusussuseqarnini ilisimaneqaatigaa. Allan Kristoffersen aamma pisortaavoq pimoorussisoq, qiimasooq, nutaaliorlunilu misiginneqataasartoq.
Qiimaguit nunarsuarmi sumiikkaluaruilluunnit allat sunnersinnaaatit. Allan taamatut aqutsisuullunilu Brugsenimi ingerlalluarnissani upperaa.
- Niuertuuvoq pikkorissoq. Niuertarfissuarmi tamanna pingaarnerpaavoq, suliffeqarfimmi ingerlatsinermut tuniniaanermullu pisortaq Mark Kobberrød Sermitsiamut oqarpoq.
Atuisartut pingaarnerpaatikkai
Allan Kristoffersen aamma tuniniaasuuvoq pikkorissoq nukittullunilu pisinianik pingaartitsisoq. Tamanna niuertarfimmi kaaviiaartitsinissamik isertitaqarnissamillu anguniagaqartumi pingaaruteqarpoq.
Mark Kobberrød aamma qallunaat Brugsenip peqatigiiffiani nuimasoq Kalaallit Nunaanni Brugsenimi, KNB-mi, pisortaanermik ilisarisimannilluartoq taama oqarpoq.
Allan Kristoffersen, nulia Eva Kristoffersen aappariillu qitornaat ukiukitsut marluk ukiup ataatsip matuma siorna Holbækimi najugaqarfimminnit Nuup ilaanut Nuussuumut nuunnginnerminni ilaatigut pisiniarfinni Kvickly-mi, SuperBrugsenimi Brugsenimilu COOP-ip suliffeqarfissuani pisortaasimavoq.
Amigartooruteqarnermiit sinneqartoornermut
Taanna COOP-imi pissaaneqarniunneq pissutigalugu soraarsinneqarpoq. COOP pisiniarfiit 35-t tunisimallugit, 19-illu matullugit 2024-mi juunimi nalunaarpoq. Tamatuma kingunerisaanik Kvickly-mi, SuperBrugsen-imi Brugsenimilu pisortatut atorfik atorunnaarsinneqarpoq.
Qallunaaq inuussutissarsiortoq Brugsenimi, amigartooruteqangaartartumi, pisortaanertut 2025-mi atorfinitsinneqarpoq. Brugseni 2025-mut naatsorsuutit tunngavigalugit ukiuni sisamani siullerpaamik amigartoorutinik sinneqartoorutinngortitsivoq. Tamatuma saniatigut suliffeqarfiup kaaviiaartitai 2024-mut sanilliullugit qaffariarujussuarput.
Allan Kristoffersen Brugsenip periusissiaanut ukiuni pingasuni atuuttussanut, ”Brugseni viser vejen”-imut, suliffeqarfimmi ukioq manna januaarip aallaqqaataani atuutilersinneqartumut, pilersaarusiortuusimavoq. Periusissiap atuunnerani akileraarutit ilanngaatigereerlugit 20 aamma 25 millioner koruunit akornanni sinneqartoornissaq anguniarneqarpoq.
