KL

DK

ULLORMUT NALUNAARUT

Nuummi talittarfimmi annikitsumik uuliakoortoqartoq

Kalaallit Nunaanni Politiit Nuummi talittarfimmi uuliakoortoqarsimasoq ataasinngornermi ualikkut nalunaarfigineqarput.

Grønlands Politi
Thomas Munk Veirum
Thomas Munk Veirum Tusagassiortoq
Saqqummersinneqarpoq

Kommuneqarfik Sermersuumi upalungaarsimasut ataasinngornermi ualikkut Nuummi talittarfimmi ikummatissamik annikitsumik kuuttoqarsimanera iliuuseqarfiginiarlugu ornigussimapput.

Nalunaarut nalunaaqutaq 14.38 tiguneqarsimasoq, siusinnerusukkullu nalunaarutigineqareersimasumut atassuteqartoq Kalaallit Nunaanni Politiit ilisimatitsipput.

Aput mingutsinneqarsimasoq umiarsualiviup eqqaani aakkiartormat ataasinngornermi immap qaavani uuliaqalersimasoq upalungaarsimanermi pisortaq Jens Mikkelsen Sermitsiamut nassuiaavoq.

Qatserisartut ikummatissamut milluaasussamik ilisisoqarsimasoq qatserisartut pisortaat nangilluni oqarpoq.

Aput ataasinngornermi aattoq ullualuit matuma siorna umiarsuaq orsussamik tankimut usilersuitillu utsersorluni kuummat mingutsinneqarsimavoq.

inuiaqatigiit jens mikkelsen uulia nuuk politiit kommuneqarfik sermersooq

Atorfiit tamaasa takukkit

PODCASTI

Powered by Labrador CMS