KL

DK

Nuup mittarfia ukiumik ataasinngortorsiuliivippoq

Nuup mittarfiata atulerneraniit ukioq ataaseq qaangiutilerpoq – mittarfik nunatsinni mittarfittut allatulli atuuttuarnikuulluni, ukiup ataatsip ingerlanerinnaani nunanit tamalaanit takornarianit, timmisartortitseqatigiinnit nunallu allat siuttuinit atorneqarlualerpoq.

Air Greenlandip timmisartorsua Tuukkaq mittarfissuarmut siullersaalluni 2024-mi novembarip 28-ani nalunaaqutaq 13.15 mimmat kaffillernermik qummoroortarnermillu nalliussineqarpoq.
Oline Inuusuttoq Olsen Tusagassiortoq
Saqqummersinneqarpoq

Air Greenlandip timmisartua A330neo Tuukkaq mittarfissuartaamut siorna novembarip 28-ani nalunaaqutaq 13.15 meqqaartussanngormat illoqarfimmiut tamangajammik malinnaaffigaat. 

Nuup nunanit tamalaanit toqqaannartumik tikiffigineqarsinnaalernera atoqqaartitsinermi kaffillernersuarmik qummoroortartornermillu nalliussineqarpoq.

Air Greenlandip timmisartua A330neo Tuukkaq mittarfissuartaamut siorna novembarip 28-ani nalunaaqutaq 13.15 meqqaartussanngormat illoqarfimmiut tamangajammik malinnaaffigaat. 

Nuup nunanit tamalaanit toqqaannartumik tikiffigineqarsinnaalernera atoqqaartitsinermi kaffillernersuarmik qummoroortartornermillu nalliussineqarpoq.

Mittarfiup nunanit tamalaanit mittarfittut ukiuani siullermi pisut eqikkarneri uani atuarsinnaavatit.

Frankrigip præsidentiata Emmanuel Macronip pisortatigoortumik tikeraarnermini, Ministeriuneq Mette Frederiksen (S) aamma Naalakkersuisut Siulittaasuat Jens-Frederik Nielsen (D), naapippai.

Aqqut pilerigineqarluartoq

Timmisartortitseqatigiit soorlu: United Airlines, SAS angalatitseqatigiiffillu Ruby Rejser mittarfiup tallineqarnerata kingorna tikittalersunut ilaapput. Taakkua Newarkimiit, Keflavíkimiit, Iqalunniit, Aalborgimiit, Billundimiit Københavnimiillu tikittarput. Cranky Network Awardsip nersornaasiuttakkami ilaat ”aqqut nutaaq pilerinarluartoq” United Airlinesimut tunniuppaa. Nersornaatisineq Nuup nunarsuarmi tamarmi nuimanerulerneranik sunniuteqarpoq. 

Nunat allat siuttuisa tikittarfiat

Donald Trump jr. ”Trump Force One”-mik tikimmat nunanit tamalaanit soqutiginninneq qaffariapiloorpoq, Frankrigip præsidentia Emmanuel Macron kinguninngua aamma tikippoq. Nuuk tikerarneqarluaannarani politikerinit nunanit tamalaanit tikerarfinngortoq taakkua naqissuserpaat.

Donald Trump Jr. nammineq inuttut tikeraarluni Trump Force Onemik tikimmat nunanit tamalaanit malinnaaffigineqarluarpoq.

Kinguaattoornerit ingerlatsinermilu ajornartorsiutit

Mittarfiulli ukiua siulleq oqitsorsiorfiuinnanngilaq. Nunani tamalaani malittarisassat malinneqannginneri, isumannaallisaanikkut periusissiat mittarfiullu nammassinnaasaasa killeqarneri peqqutaallutik Angallannermut Aqutsisoqarfik piffissap ilaani killilersuisariaqartarpoq. Taama pisoqartillugu angalasussaraluanik taamaatitsisoqanngikkuni kinguaattoortoqartarpoq.

Ukiumik ataasinngortorsiorneq nalliussiniarlugu Greenland Airports innuttaasunut kaffisortitsinissamik pilersaaruteqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

nunarsuarmi tamarmi politikkikkut københavn keflavik iqaluit inuiaqatigiit united airlines inuiaqatigiinni infrastruktur greenland airports emmanuel macron billund air greenland aalborg takornariaqarneq trump nuuk mittarfia nunarsuarmi tamarmi timmisartuussinerit

Atorfiit tamaasa takukkit

PODCASTI

Powered by Labrador CMS