Peqqinnissaqarfik illerfinnik assartuinermut ima annertutigisunik aningaasartuuteqartarpoq

Kalaallit Nunaanni peqqinnissaqarfiup illerfiit assartorneranut katillugit 888.443 koruunit 2025-mi aningaasartuutigai, taakkununnga ilaapput imaatigut silaannakkullu assartuinerit.

Inuk misissorneqarnermini, katsorsartinnermiluunniit toqukkut qimagussimappat, timaata illoqarfigisaanut assartorneqarnera pisortaqarfinnit tamakkiisumik aningaasartuutigineqartarpoq.

AAMMA ATUARUK

Napparsimallutik toqusimasut angallanneqartarnissaat qulakkeerneqassaaq

Peqqissutsimut Naalakkersuisup §37 naapertorlugu Inatsisartunut apeqqummut akissuteqarrnermini kisitsisit saqqummiuppai. Gerth Mikaelsen (N) apeqquteqartuuvoq.

Toqusup timaanittaaq assartuinermi suliamiit suliamut aningaasartuutit assigiinngitsunik naleqarsinnaasut peqqinnissaqarfik ilisimatitsivoq.

Peqqinnissaqarfiup Royal Arctic Linep umiarsuaatigut assartuineq imminut akilersinnaanerummat periarfissatut siullertut atortarpaa.

Qanigisaasulli assartuinermik periarfissat allat atorneqarnissaat kissaatigunikku, nammineerlutik nikingassutaasoq matussusertussaassavaat.

Gerth Mikaelsenip ilisineq sineriammi sumiiffinni assigiinngitsuni qanoq akeqarnersoq aamma paaserusuppaa. Akissutilli naapertorlugit kisitsisit eqqoqqissaartut ilisimaneqanngillat.