Raajartassat ukiualuit
ingerlanerinnaanni 35 procentimik — tassa 2022-mi 115.000 tonsinit
ukioq manna 75.000 tonsinut ikilisinneqarput. Raajartassat
ikilineqarnerisigut nunami raajanik suliffissuarnik
pisariaqartitsineq ilungersunartorsiortinneqarpoq tamannalu
suliffissarpassuarnik aarlerinartorsiortitsilluni.
Polar
Seafoodimit mianersoqqussutigineqarluni, raajartassat
ikilisinneqarnerisigut, Aasianni raajaleriffimmik
ingerlatsiinnarsinnaanini qularnartoqartoq, namminersortutut
aalisarnermik ingerlatsisutut annerpaatut pisassiissutigineqartut
ikilisinneqarnerisa kingornagut ingerlateqqissinnaajunnaassagami.
Raajartassat ukiualuit
ingerlanerinnaanni 35 procentimik — tassa 2022-mi 115.000 tonsinit
ukioq manna 75.000 tonsinut ikilisinneqarput. Raajartassat
ikilineqarnerisigut nunami raajanik suliffissuarnik
pisariaqartitsineq ilungersunartorsiortinneqarpoq tamannalu
suliffissarpassuarnik aarlerinartorsiortitsilluni.
Polar
Seafoodimit mianersoqqussutigineqarluni, raajartassat
ikilisinneqarnerisigut, Aasianni raajaleriffimmik
ingerlatsiinnarsinnaanini qularnartoqartoq, namminersortutut
aalisarnermik ingerlatsisutut annerpaatut pisassiissutigineqartut
ikilisinneqarnerisa kingornagut ingerlateqqissinnaajunnaassagami.
Tamanna
Aasianni ernumassutigineqartorujussuuvoq, sulisummi 115-it
suliffimminnik annaasaqarnissaat ilimanaateqarmat, tamannalu
akileraarutitigut isertitassanik annaasaqarnermut tunngatillugu
inuiaqatigiinnut akisussaqimmat.
Suliassaq
ingerlateqqikkaa
Aqqalu
C. Jerimiassenip Atassummeersup paragraf 37 naapertorlugu
Naalakkersuisunut “pisassiissutit ikilineqassappata Aasianni
suliffissaqartitsinissaq inuussutissarsiornerlu qulakkeerniarlugit
qanoq iliuuseqartoqarnissaa pilersaarutigineqarnersoq” apeqqutigaa.
Aalisarnermut, Piniarnermut,
Nunalerinermut, Imminut Pilersornermut Avatangiisinullu
naalakkersuisup Peter Borgip akissutaani takuneqarsinnaasutut,
Namminersorlutik Oqartussat annaassiniarnissamik
neriorsuuteqanngilluinnarput. Tamatumunnga taarsiullugu suliassaq
Nunatsinni aalisarnermik ingerlatsiviit annersaannut marluusunut
ingerlateqqippaa.
- Soorlu oqaatigineqartoq
Kalaallit Nunaanni raajanik suliffissuit sisamaapput, raajaqassutsip
appariartorneranit tamarmik sunnigaasussat, suliffissuillu akornanni
raajarnianit iluarineqarnissamik unammilleqatigiittoqassaaq,
taamaattumillu 2026-mi sakkortunerussasoq ilimagineqassalluni, Peter
Borg akissummini taama allappoq.
Peter
Borgip ilisimatitsissutigaa, Polar Seafood Aasianni tunisassiorfiat
pillugu oqaloqatigiuarlugu. Tassunga atatillugu allappoq, Polar
Seafood Royal Greenlandilu qinnuigalugit, oqaloqatigiissutigeqqullugu
“nunami tunisassiorfinni suliffissaqartitsineq qanoq
qulakkeerneqarsinnaanersoq, pisassiissutit ikiliartuinnaraluartut”.
- Oqaloqatigiinneq tamanna ingerlaannassaaq, Peter Borg naatsumik naggasiillunilu taama akissuteqarpoq.
