Præsidentip illorsuaniit Kalaallit Nunaata nunap assinga siammarterneqartoq
Donald Trumpip Kalaallit Nunaata nunap assinga igalaakkut itsuannisaarluni isigerujooraa Præsidentip illorsuaniit saqqummersinneqartumi takuneqarsinnaavoq.
USA-p præsidentiata Donald Trumpip arlaleriarluni oqaatigisarpaa nunami isumannaatsuuneranut eqqarsaatigalungu USA-p Kalaallit Nunaat pisariaqartikkaa. (Assi toqqorsivimmiit)
Assi: Andrew Caballero-Reynolds/AFP/Ritzau Scanpix
Præsidentip illorsuata inuit nittartakkatigut quppernerani X-imi assit sisamat saqqummiunneqarput, tassani angut USA-p præsidentianut Donald Trumpimut assingusoq Kalaallit Nunaata nunap assinga igalaakkut itsuanisaaraa takuneqarsinnaavoq.
Angut USA-p præsidentiata tullersortaa J.D. Vancemut assingusoq igalaamut tunumut saaqqasoq aamma takuneqarsinnaavoq.
Angutip Trumpitut isikkoqartup saniani Amerikamiut erfalasuat nivingavoq.
Assilisat sisamat ataatsimut saqqummiunneqarput.
- Pissutsit malinnaaffiginissaannut una tooruk, Præsidentip illorsuanit taama allapput.
Nunap assingani illoqarfiit arlallit takuneqarsinnaapput, ilaatigut Pituffik, Pituffik Space Base- Thule Air Base - 1952-imiilli Amerikamiut sakkutuuisa Kalaallit Nunaanni sakkutooqarfiat inissisimavoq.
Trump USA-p isumannaatsuunissaanut Kalaallit Nunaat pisariaqartikkaa sapaatit-akunnerini kingullerni arlaleriarluni oqaatigisaqattaarpaa.
USA-p iliuusaa nunarsuarmi politikkikkut annertuumik aalassatsitivoq. Danmarkip ministeriunerata Mette Frederiksenip (S) Trump sakkortuumik isornartorsiorpaa, taassuma Natomi suleqataasoq alla sioorasaarneqarpat "suut tamarmik unitsinneqassasut“ oqaatigalugu.
Danmarkip Donald Trump pilersaarutai unitsinneqaqqunersat nunanit Nato-mi ilaasortaasunit, soorlu Tuluit Nunaannit, Tysklandimit, Frankrigimit, Spaniamit, Italiamit Polenimillu taperserneqarpoq.
Naalakkersuisut Kalaallit Nunaat naalagaaffeqatigiinnermut ilaasoq, nunarsuarmilu qeqertat annersaata Nato-p ataani illersorneqarnissaanik politikkikkut annertusisamik sulissutigineqarnissaa anguniarneqartut nittartakkaminni ataasinngornerup unnukkuani allapput.
