Angut
32-nik ukiulik piffissaligaanngitsumik paarisassanngorlugu
Eqqartuussisoqarfik Sermersuumi oktobarip 31-anni 2025-mi
eqqartuunneqarpoq.
Angut
Nuussuarmi savilerluni saassussinikuuneranut, eqqartuussivimmi
nakuusernermut tunngasuni pineqaatissiineq sakkortunerpaaq
eqqartuussutigineqarpoq.
Angut
32-nik ukiulik piffissaligaanngitsumik paarisassanngorlugu
Eqqartuussisoqarfik Sermersuumi oktobarip 31-anni 2025-mi
eqqartuunneqarpoq.
Angut
Nuussuarmi savilerluni saassussinikuuneranut, eqqartuussivimmi
nakuusernermut tunngasuni pineqaatissiineq sakkortunerpaaq
eqqartuussutigineqarpoq.
Eqqartuussinermi
Sermitsiaq najuutinngilaq. Kalaallit Nunaanni eqqartuussiveqarfik
suliani killiligaanngitsumik paarisassanngortitsinissanut tunngasuni
siumut ilisimatitsineq ajorpoq.
Eqqartuussinermili
allagaatini eqqartuussut qanittukkut pisoq suna tunngavigalugu taama
aalajangertoqarsimanersoq paasisaqarfigisinnaavarput.
Siullermik
naqissuserneqassaaq eqqartuunneqartoq 32-nik ukiulik
pisuunnginnerarnini attammagu. Uppernarsaatit ilisimannittullu
uppernarsaanerat aallaavigalugu pineqaatissiisoqarsimanera tulliani
allaaserineqarpoq:
Angut
eqqartuunneqartoq 2024-mi juunip 30-anni imerniartarfimmi Café
Nuanimi puiaasaaqqamik tigusimmat unnukkut qulingiluat missaani
anisitaavoq.
Angut
anisitaareernermi kingorna eqqissiviilliortitsilerpoq. Sulisoq
niaquatigut tilluppaa, politiillu paasissutissaataanni taanna
sassaallertartutut sulisuuvoq. Tamatuma kingorna angut 32-nik ukiulik
qitequmminit ukusartoq savimineq tigusinnarlugu sulisoq qitiatigut
kapivaa.
Unnuap-qeqqalernerani
taanna tigusarineqarpoq, angullu saassunneqartoq qitermigut
angisuumik ikilerneqartoq napparsimavimmi nakorsanit suliarineqarpoq.
Savilersornerup kingunerisaanik ikilerneqartoq inuunermik
Qujanartumik itinngitsumik ikilerneqarsimavoq, angullu 32-nik ukiulik
toqutseriartutut eqqartuussaanani, nakuusersimasutut
eqqartuunneqarpoq.
Piffissaligaanngitsumik
paarisassanngortinneqarneranut tunngaviusut arlallit
Piffissaligaanngitsumik
ukioq manna oktobarip 31-ani paarisassanngortinneqarnera sunik
pissuteqarpa? Angutip qanoq inneranik nalilersuineq
aallaavigineqartoq eqqartuussivik erseqqissaavoq.
Aarhusimi
Universitetshospitalimi tarnip pissusaanik immikkut ilisimasallit
angutip 32-nik ukiullip eqqarsartaatsimigut qanoq innera
misissoramikku niaqulaartuunngitsoq paasivaat, aamma Café Nuanimi
pisoqarnerata nalaani. Inuttulli pissusilersuutsiminik
aqutsisinnaanera killeqartoq, Aarhusimi nakorsat inerniliipput.
Angutip
pineqartup Nuussuarmi pisoq eqqissilluni qimagunnissaanut
periarfissinneqarsimagaluarpoq, pineqartulli pissutsit nammineerluni
ajornerulersissimanerat eqqartuussivimmi aalajangiinermi
pingaartinneqartut ilagaat.
Angut
taanna imigassartorsimallunilu cannabisimik piffissami tassani
atuisimavoq, taamaakkaluartorli katsorsartinnissamik
neqeroorfigitinnini akueriumanagu. Tamakkuuppullu inerniliussamut
aalajangiisuusut, tassa inuttut qanoq mianernartigineranik.
Angut
32-nik ukiulik arlariinnik pineqaatissinneqareersimavoq. Siornatigut
arlaleriarluni inatsisinik unioqqutitsisarsimavoq, ilaatigut
toqutseriaraluarsimalluni arlaleriarlunilu peqqarniitsumik
nakuusertarsimalluni, saassutanilu niaquisigut
innarlerniartarsimallugit. Nakuuserfigisami ilaat aamma kiisimavaa.
Eqqartuussisoqarfik
Sermersuumi angut inuunermut, timimut peqqissutsimulluunniit
ulorianartorsiortitsilersinnaasoq nalineqarpoq. Taamaattumik
piffissaligaanngitsumik pineqaatissiissut – maannakkuugallaq –
atuuppoq. Angutip pineqaatissinneqartup suliaq
suliareqqitassanngortippaa, taannalu Nunatta Eqqartuussisuuneqarfiani
suliarineqaqqittussaassalluni.
