Trumpip nunarput pillugu isumaqatigiissummut: Qanorluunniit iliorsinnaavugut

Donald Trump sisamanngornermi oqarpoq USA nunatsinnut tunngatillugu kissaatigisamisut iliorsinnaasoq.

USA-p Kalaallit Nunaata isumannaatsuunissaanut tunngatillugu Nato suleqatiginiarlugu pilersaaruteqarpoq, Trump Davosimi ataatsimeersuarnermit angerlamut ingerlaartilluni taama oqarpoq. Aammali isumaqarpoq USA qanorluunniit iliorsinnaasariaqartoq.

Foto: Mandel Ngan/AFP/Ritzau Scanpix

Ritzaus Bureau Ritzaus Bureau

Saqqummersinneqarpoq 23. Januaari 2026 - 10:02

Annonse

- Piumasattut iliornissamut periarfissaqartariaqarpugut. Donald Trump nunatsinnut tunngatillugu isumaqatigiissut pillugu timmisartumi Air Force One-mi tusagassiortunut taama oqarpoq.

Reuters taama allappoq.

USA-p præsidentia aamma oqarpoq suliniuteqarnissamut pitsaasumik isummertoqartoq.

Nutaarsiassaqartitsivik naapertorlugu sisamanngornermi oqarpoq USA-p nunatta isumannaatsuunissaanut tunngatillugu Nato suleqatiginiarlugu pilersaaruteqartoqartoq.

- Tamatta suleqatigiinnissarput aalajangiusimavarput, Nato suleqatigalugu suliassat ilaat suliarissavavut, tamannalu eqqortuliornerussaaq, præsidenti oqarpoq.

Illersornissamut isumaqatigiissut isumaqatiginninniutigineqaqqissinnaasoq

USA nunatsinni sumiikkaluaruniluunniit killilersugaanngitsumik isersinnaatitaavoq, namminerli Danmarki akuersiteqqaartinnagu nutaamik atortorissaarutiliorsinnaanani.

Qallunaat ministeriunerat Mette Frederiksen (S) sisamanngornermi oqarpoq USA-p Danmarkillu akornanni isumaqatigiissutip annertusarneqarnissaa itigartinnianngikkini.

- Danmarkip, Kalaallit Nunaata USA-llu oqaloqatigiinnerulernissaat kissaatigineqarpoq.

Naalakkersuisut siulittaasuat Jens-Frederik Nielsen (D) tusagassiortunik katersortitsinermi oqarpoq nunarput sakkutooqarnerulernissamut piareersimasoq, ilaatigut NATO-p aamma ataavartumik aallartitaqarnissaanut.

/ritzau/