Inuit innarluutillit kattuffiata NIIK-p Naalakkersuisut 2026-mut aningaasanut inatsimmi inuit innarluutillit kattuffiinut tapiissutinik immikkoortitsinnginnerat pillugu isornartorsiorpai.
- Politikkikkut oqariartuutigineqartartut iliuuserineqartullu ilungersunartumik ataqatigiinngillat, NIIK-mit ilaatigut taama isornartorsiuisoqarpoq.
Inuit innarluutillit kattuffiata NIIK-p Naalakkersuisut 2026-mut aningaasanut inatsimmi inuit innarluutillit kattuffiinut tapiissutinik immikkoortitsinnginnerat pillugu isornartorsiorpai.
- Politikkikkut oqariartuutigineqartartut iliuuserineqartullu ilungersunartumik ataqatigiinngillat, NIIK-mit ilaatigut taama isornartorsiuisoqarpoq.
Peqqissutsimut inunnullu innarluutilinnut naalakkersuisoq Anna Wangenheim (D) eqqissisaalluni Sermitsiamut oqarpoq, aamma Naalakkersuisut inuit innarluutillit kattuffiinut aningaasaliinissaat misilillugu sulissutiginiarlugu oqarpoq:
- Isornartorsiuinerat paasisinnaavara. Pissusissamisoorpoq, kisianni eqqissinissamik aamma kajumissaarerusuppunga, Anne Wangenheim oqarpoq, nangipporlu:
- Peqatigiiffiit aaqqiinissaq sulissutiginiarlugu oqaloqatigaakka, aamma 2026-mut aningaasanut inatsimmi kontonilu pingaarnerni misissuinikkut tapiliussamik aningaasaliissoqarsinnaanersoq paasiniassallutigu. Taamaalilluni aningaasaliiffigineqarnissaat qulakkeerneqarsinnaassalluni.
Aaqqissuussaq ataavartoq neriuutigineqartoq
Inuit innarluutillit kattuffii aningaasanut inatsisissani tulliuttuni aalajangersimasumik tapiiffigineqartalernissaat Anna Wangenheimip aamma neriuutigaa.
- Kajumissutsimik suliaqarfiit taakku tusaaneqarnissaat pingaaruteqarpoq, oqarpoq.
Anna Wangenheimip aningaasanut inatsisissamut ukioq manna isumaqatigiinniarnerit nunap karsiata aningaasaateqannginneranit sunnerneqarsimasut aamma erseqqissarpaa:
- Aningaasat pilerngunneqarput, taamaammat nunap karsiata avataani ujaasisariaqarsimavunga.
- Danmarkip Kalaallit Nunaatalu inuit innarluutillit pillugit suleqatigiinnerat misissortariaqarsimavara. Kommunimmi amerlasuut innuttaasut innarluutillit Nunatsinni isumaginissaannut naammattumik isumalluuteqannginnertik pissutigalugu Danmarkimi najugaqartitsisariaqarnerminnut aningaasarpassuarnik atuisarput, Anna Wangenheim oqarpoq.
Sivisuumik suliarineqarnera ajuusaarutigaa
Danmarkimiit peqqinnissaqarfimmut ukiuni sisamani tulliuttuni ukiumut aningaasaliissuteqartoqangaatsiarneranut sanilliuppaa.
- Inuit innarluutillit pillugit sulinerup maannamut naleqqiullugu pitsaanerusumik ingerlanneqarnissaa naalagaaffiup qulakkeersinnaavaa, naalakkersuisoq oqarpoq.
Aningaasanut inatsimmi 2025-moortumi inuit innarluutillit kattuffii tapersersorniarlugit 1 million koruunit immikkoortinneqarput, kisianni NIIK-p kattuffiit aatsaat novembarip aallartinnerani qinnuteqarsinnaalernerat aamma isornartorsiorpaa.
Aningaasat agguaanneqarnissaannut piareersaammik sulinerup sivisusimanera Anna Wangenheimip ajuusaarutigaa:
- Tamanna ajuusaarnarpoq. Ukiup aallartinnerani suliassat agguataarneqareerneqarnissaat siunertaralugu aappaagumut piareersarluarnerusinnaassasugut neriuutigaara.
