Amerikamiu niuertoq Drew Horn, ilaatigut Kangerlussuarmi qarasaasiaqarfik pilersitsinialersaartumik, erngup nukinganik nukissiorfimmik immallu naqqatigut kabelimik pilersitsinissamik suliniuteqartumik Inuit Development Companyp pisortaanik Svend Hardenbergimik suleqateqartoq, Torontomi aatsitassarsiorneq pillugu ulluni makkunani nittarsaassinermi Kalaallit Nunaannit aallartitanit amerlasuunik peqataaffigineqartumi aamma peqataavoq.
Drew Horn Kalaallit Nunaanni suliniutini arlalinni akuugaluarluni, PDAC-mi nittarsaassinermi Greenland Day-imi peqataanngilaq.
Amerikamiu niuertoq Drew Horn, ilaatigut Kangerlussuarmi qarasaasiaqarfik pilersitsinialersaartumik, erngup nukinganik nukissiorfimmik immallu naqqatigut kabelimik pilersitsinissamik suliniuteqartumik Inuit Development Companyp pisortaanik Svend Hardenbergimik suleqateqartoq, Torontomi aatsitassarsiorneq pillugu ulluni makkunani nittarsaassinermi Kalaallit Nunaannit aallartitanit amerlasuunik peqataaffigineqartumi aamma peqataavoq.
Drew Horn Kalaallit Nunaanni suliniutini arlalinni akuugaluarluni, PDAC-mi nittarsaassinermi Greenland Day-imi peqataanngilaq.
Amerikamiu niuertoq Drew Horn, Kalaallit Nunaannik soqutigisaqarluartoq, aaqqissuussaq Greenland Day sanioqqukkaa. Sermitsiamit apersorneqarpoq sooq peqataannginnersoq. – Ajoraluartumik periarfissaqanngilanga, akivoq. Sooq peqataannginnersoq Sermitsiap aperaa: - Ajoraluartumik periarfissaqannginnama, akivoq.
Assi: Trine Juncher Jørgensen
Peqataanissaminut periarfissaqanngitsoq
Sermitsiap Drew Horn, Kalaallit Nunaannit aallartitat Naalakkersuisunullu ilaasortat marluk aatsitassarsiornermut aningaasaliisinnaasunut aatsitassarsioqatigiiffinnillu soqutiginnittunut saqqummiiffigisaata qanitaani, tummeqqani naapippaa.
– Ajoraluartumik Greenland Day-imut peqataasinnaanngilanga. Ataatsimiinnernut aalajangersimasunut ikittuinnarnut peqataassallunga maaniippunga, neriuppungali qanittukkut Kalaallit Nunaannukaqqissallunga. Ikinngutiga ilagalugu PDAC-imi nittarsaassinermi peqataavunga. Kalaallillu naalakkersuisuinut ilaasortanik ataatsimiitimeeqateqarnissamik isumaqatigiissuteqarnikuunanga. Kisianni Danmarkip Washingtonimi aallartitaa Jesper Møller Sørensen oqarasuaatikkut oqaloqatigisarpara. Qaammatit tamaasa Washingtonimiittarpunga, soorunami kalaallit qallunaallu suleqativut peqatigalugit niuernikkut soqutigisat oqaloqatigiissutigisarpagut. Oqaluttuat ingattajaartut siammarterneqartut qimalaarlugit, Drew Horn oqarpoq.
PDAC-imi Greenland Day ukioq manna ingerlanneqarmat inunnik ulikkaavippoq, tassani aningaasaliisinnaasut aatsitassarsiornermillu soqutiginnittut Kalaallit Nunaat pillugu paasisaqarnerusinnaapput. Naalakkersuisut marluk saqqummiipput. Aamma immikkut ilisimasallit arlallit kiisalu aatsitassarsioqatigiiffiit Kalaallit Nunaanni sulinermik misilittagaqartut peqataapput.
GreenMet-imi, kalaallit suliniutaat amerikamiullu aningaasaliisartut attaveqatigiinnerannik pilersitsiffiusumi, pisortaanerup saniatigut Drew Horn Amerikamiut suliffeqarfiutaanni Amforgemi, Kangerlussuarmi qarasaasiaqarfimmik, immap naqqatigut kabelimik erngup nukinganillu nukissiorfimmik pilersitsinissamik suliaqartumi, aqutsisunut aamma ilaavoq.
Aamma Drew Horn Kalaallit Nunaanni aatsitassarsiorfiit arlallit, ilaatigut Tanbreez aamma Critical Metals Corporation, aningaasaqarnermut siunnersortaaffigalugit arlaleriarluni oqarnikuuvoq. Tamanna Amerikamiut tusagassiorfianni Business Insidermi ilanngutassiami qanittukkut aallakaatinneqartumi takuneqarsinnaavoq.
Aatsitassarsiorfiit ilaat sullikkaa
Tanbreezimili pisortap Greg Barnesip Tanbreezimiit Drew Horn suleqatigineqarsimanngisaannarsimaosq Sermitsiamut oqaatigaa, Drew Hornilli Critical Metals Corporation piffissami sivikitsumi suleqatigisimavaa. Taakku Tanbreezimi piginneqataassutit amerlanerpaartaat aamma pisiarinissaat ingerlavoq. Drew Hornili aningaasanik pissarsiguni akilerneqassasoq isumaqatigiissutigineqarnikuuvoq, tamannalu pinani. Tamanna Critical Metals Corporationimi pisortamit Tony Sagemi PDAC-mi nittarsaassinermi peqataasumit uppernarsarneqarpoq.
– Drew Hornimut isumaqatigiissut “iluatsittumik suliaqartoqarpoq aatsaat aningaasarsissutaassussaasutut” siunertaqarpoq, tassalu aatsaat timitaliisoqarpat akilerneqassalluni. Amerikami naalakkersuisut aningaasaliinissaat anguniarlugu suliakkerneqarpoq. Tamanna pinngilaq, isumaqatigiissut ukiup affaata matuma siorna naammassivarput. Taamaammat Drew Horn maanna suleqatiginatigu.
Suliffeqarfinni marlunni allani sullissilersoq
Tanbreez aamma Critical Metals Corporation suleqatigineri siorna februaarimiit oktobarimut pisoq, suliarisanilu tamaasa isumaqatigiissuteqarfigalugit, Drew Hornip Sermitsiamut oqaatigaa.
- Critical Metals Corp.-imut siunnersuisarpugut, tamannali oktobarimi 2025-mi naammassineqarpoq. Suliakka pillugit isumaqatigiissutit takutissinnaavakka aamma suut tamaasa uppernarsaatissaqartippakka.
Aamma Kalaallit Nunaanni aatsitassarsiorfiit marluk allat maanna sullillugit, kikkuunerili oqaatigisinnaanagit, oqarpoq.
Suliffeqarfiit qarasaasiaqarfik pillugu suleqatigineqalersut
Kangerlussuarmi qarasaasiaqarfiliornissamut pilersaarutit qanoq ingerlanersut qanorlu aningaasalersorneqassanersut aperineqarami Drew Horn ima akivoq:
– Suliffeqarfiit suleqatissavut inissipput. Tamannali pillugu Svend Hardenberg oqaloqatigissavat. Oqarsinnaavunga qanittukkut nalunaaruteqartussaasugut, suliniummili suleqativut pingaarutillit peqataammata maannakkuugallartoq oqaaseqarsinnaanngilanga.
Præsidentip illorsuani attaveqaateqartoq
Business Insiderimi ilanngutassiami Drew Horn Washingtonimi allaffimmini issialluni inummik kinaassusilerneqanngitsumik nuannaarluni oqaloqateqarnera takuneqarsinnaavoq: "Præsidenti piffissap ilaani oqaloqatigissagit naatsorsuutigaara".
USA-mi naalakkersuisunut sullissinersoq aperineqarami ima akivoq:
- USA-mi naalakkersuisut sullitinngilakka, kisianni USA-p pisortaqarfiani ikinnguterpassuaqarpunga Præsidentillu illorsuani siornatigut sulinikuugama attaveqaateqarlunga. Maannali niuertutut namminersortuuvunga, Drew Horn oqarpoq, taannalu 2021-mi suliffeqarfimmik GreenMet-imik pilersitsinnginnermini USA-mi nukissiornermut illersornissamullu ministereqarfinni sulisimavoq.
Sermitsiap aallartitaq Jesper Møller Sørensen Drew Hornip oqarasuaatikkut oqaloqatisarnerarlugu oqarnera pillugu oqaaseqartinniarsaraa.
