KL

DK

Ilisimatusarnerup inerneri nutaat tunngavigalugit Naalakkersuisut pisassiissutit amerlerusuppaat

Tunumi nannunniartarneq piujuartitsisoq ilisimatusarnerup nutaap takutereeraalu, Naalakkersuisut pisassiissutit amerlineqarnissaat siunnersuutigaat.

Naalakkersuisut siunnersuutigaat Tunumi nannut pisaasinnaasut amerlineqarnissaat. Assiliartaq una Nuup niuertarfiani 2012-imi assilisaavoq.
Thomas Munk Veirum
Thomas Munk Veirum Tusagassiortoq
Saqqummersinneqarpoq

Tunumi nannunniartarneq piujuartitsisoq allaallu pisassiissutigineqartartut amerlineqarsinnaasut, ilisimatusartut ukiuni arlalinni misissuereerlutik naliliipput.

Tamanna piniartut aappaagu iluaqutigissagunarpaat.

Naalakkersuisut Tunumi nannuttassat, ilisimatusartut inassuteqaataat malillugu, ukiumut 66-inut amerlerusuppaat. Tassa arfinilinnik amerlanerupput. Tamanna pisassiissutit pillugit paasissutissanit Naalakkersuisunit tusarniaassutigineqareersuni takuneqarsinnaavoq.

Pisassiissutit 83-inut nannunut amerlineqarsinnaagaluarput, taamaaliortoqarssappalli nakkutilliineq annertusineqartariaqarpoq. Maannali aningaasassaqaratik.

Naalakkersuisut pisassiissutit ima agguataarneqassasut siunnersuutigaat:

Nuna tamakkerlugu pisassiissutit uani atuarneqarsinnaapput. Naalakkersuisut pisassiissutit pillugit ukiup naannginnerani isummernissaat ilimagineqarpoq.

tunumi nannut piujuartitsineq pisassiissutit naalakkersuisut inuussutissarsiut inuussutissarsiutit

Atorfiit tamaasa takukkit

PODCASTI

Powered by Labrador CMS