Toke Binzer ataasinngorpat ullaakkut Royal Greenlandimi
pisortaanertut suliartoruni, aamma isornartorsiorneqaannavittussanngussaaq.
Tassami suliffeqarfissuarmi qanorluunniit aalajangiigaluaruni
isornartorsiorneqarumaarpoq. Kalaallit Nunaanni tunisassiornermik
suliffeqarfiit pisortanit pigineqartut annersaanni soqutigisat amerlapput.
Toke Binzer ataasinngorpat ullaakkut Royal Greenlandimi
pisortaanertut suliartoruni, aamma isornartorsiorneqaannavittussanngussaaq.
Tassami suliffeqarfissuarmi qanorluunniit aalajangiigaluaruni
isornartorsiorneqarumaarpoq. Kalaallit Nunaanni tunisassiornermik
suliffeqarfiit pisortanit pigineqartut annersaanni soqutigisat amerlapput.
Royal Greenland illuatungeriinnit tatisimaneqartutut
inissisimavoq. Suliffeqarfik nunarsuarmi aalisakkanik tunisassiortut annersaasa
ilaattut ingerlalluarlunilu iluanaaruteqarluassaaq. Illuatungaanilu Royal
Greenlandip inoqarfinni ungasissumiittuni suliffissaqartitsineq
eqqarsaatigalugu politikkimut sunniuteqartussaavoq.
Aningaasaqarniarneq ajornaatsuinnaanngilaq – tamannalu Toke
Binzerimut unammilligassaanerpaavoq, taannami siuliminit
amigartooruteqangaarnermik kingornussaqarpoq. 2024-mut naatsorsuutit tamarmik
amigartooruteqarmata 196 million koruuninik amigartooruteqarfiuvoq – ukiullu
siuliani 211 million koruuninik amigartooruteqarfiuvoq.
Aalisarnermut inatsit
Royal Greenland ikiortigalugu nunami tamarmik suliffissanik
pilersitsinissamik politikkikkut ukkataqarneq kissaateqarnerlu Namminersorlutik Oqartussat
ingerlatseqatigiiffissuata aalisarnermut inatsimmi nutaami immikkut
inissinneqarneranut aamma pissutaapput.
Ingerlatseqatigiiffiup immikkut inissisimanini siunissami
attatiinnarsinnaaneraa apeqqutaalerpoq. Ingammik Naalakkersuisut siulittaasuata
Jens-Frederik Nielsenip Royal Greenlandip namminersortutut aalisarnermik
ingerlatsivinnut naligiittumik unammillersinnaanissaa kissaatigalugu upernaaq
qineqqusaarnermi aalisarnermut inatsisinik sakkortuumik isornartorsiuivoq.
Nielsenili siulittaasunngormat isornartorsiuineq sakkukillisimavoq,
allaaserisallu matuma allanneqarnerata nalaani tamanna qanoq kinguneqassanersoq
suli ilisimaneqanngilaq.
Politikerit 41-nik ukiulik Toke Binzer qilammit aallartitatut
isigaat, nunanilu tamalaani pisortamik kalaallimik tunuliaqutalimmik
takorluugaat piviusunngorpoq. Taanna Nuummi peroriartorpoq, ukiorpassuarnili
ilaatigut IBM-imi TDC-milu sulisimavoq. Københavnimi CBS-imi sulisoqarnermik
qaffasissumik ilinniagaqarsimavoq.
Tusassimeersoq
Toke Binzer 2024-mi marsimili Tusassimi pisortaanertut
atorfeqarsimavoq. Tusassimi aningaasaqarnermut pisortatut 2022-mi
atorfinitsinneqarpoq.
Pisortanngortup Preben Sunke, Susanne Arfelt Rajamandip
februaarimi soraarsitaaneraniilli pisortaanerugallartoq, taarsissavaa.
Royal
Greenland ukiumut 5,7 milliarder koruuninik kaaviiaartitaqarpoq 2024-milu
2.000-t missaanni sulisoqarluni – taakkunannga 1.300-t missaat Kalaallit
Nunaanniipput.
