Juullernissaanut
sapaatip
akunneri arfineq-marluinnanngortut
allakkerivipput Tusass frimærkinik marlunnik juullerpaluttunik
assiliartalinnik saqqummersitsivoq, taakku Nikolaj Andersen Olsvigimit, Sisimiuni
1967-imi inunngortumit qalipanneqarput.
– Qanoq
ililluni 3 x 4 centimeterisut angissusilimmi juullerpalaartumik
pilersitsisoqarsinnaagami?
Juullernissaanut
sapaatip
akunneri arfineq-marluinnanngortut
allakkerivipput Tusass frimærkinik marlunnik juullerpaluttunik
assiliartalinnik saqqummersitsivoq, taakku Nikolaj Andersen Olsvigimit, Sisimiuni
1967-imi inunngortumit qalipanneqarput.
– Qanoq
ililluni 3 x 4 centimeterisut angissusilimmi juullerpalaartumik
pilersitsisoqarsinnaagami?
– Suliassaq
tamanna
siorna juullilivissoq
suliaraara,
tassami
juullimut qilanaalereerlunga frimærkinut
titartaqqaakkat
siulliit suliarigakkit, Nikolaj Andersen Olsvig Sermitsiamut
oqaluttuarpoq.
Siornatigut
misilereersimagamiuk aamma
iluaqutigaa: Nikolaj Andersen Olsvigip Nunatsinni
juullimut nipitittagaq
2004-mi
titartarpaa, tassani titartaramigit
inngilit
savanik paarsisunut narsaatini takkuttut
–
Kujataani!
– Kristumiut
oqariartuutaat Kalaallit Nunaanni sakkortuvoq, inuillu ulluinnarni
upperisarsiornikkut isumartik
apeqqutaatinnagu
juullikkunni naalagiartarput. Ukiut hunnorujukkaat
ingerlaneranni kalaallit kulturiat kristumiussutsimut
akulerulluinnarsimavoq.
Oqaluffiup
matua kikkunnut tamanut ammasarpoq, Grundtvigillu oqaasia
”oqaatsit
ilitsoqqussat tamaasa akimorlugit”
oqaatigisarpara,
Nikolaj
Andersen Olsvig oqarpoq.
Frimærkimi
siullermi takuneqarsinnaapput ilaqutariit oqaluffimmut juullimi
naalagiariartut:
-
Oqaluffik aalajangersimasuunngilaq, immaqali illoqarfiup
inunngorfimma Sisimiut oqaluffiannut assingusinnaalluni, Nikolaj
Andersen Olsvig oqarpoq. Ilaqutariit qimussertut
frimærkit
aappaanni takuneqarsinnaapput:
–
Qeqertarsuarmi
najugaqarallarama
qimusserneq
nuannarisorujussuugakku,
soorunami aamma qimmit qimuttut
siaarsimallutik ingerlaartarnerat inissaqarinneqarput.
Kangerluk frimærkimiittoq sikuarsimavoq,
tamannalu qimussertarnerup
aallartilerneranut
nalunaaqutaalluni.
Qatanngutigiinniat
juullimut ulloriaat, juullimut ilaajuaannarpoq, sungaartumik
aappaluartumik qaamaneqarluni taarnerpaaffiani qaammarsaasartoq,
Nikolaj Andersen Olsvigillu frimærkini marluusuni ullorissat
ikumatippai.
Ataatap
erneratalu juullimut nipitittagaliaat
Nikolaj
Andersen Olsvig meeraanermini
Nunatta
Danmarkillu
akornanni
uteqattaartarsimavoq,
angutaami
Karl
Peter Olsvig Andersen siullermik ilinniartitsisuugami
kingusinnerusukkullu
Danmarkimi Savalimmiunilu kalaallinut
ilagiinnut
palasiulluni. Angutaa
(1978-imi)
erneralu (2004-mi)
kalaallit juullimut nipitittagaannik
titartaasarput, qalipakkaminnillu
marluullutik
saqqummersitsisarlutik.
Nikolaj
Andersen Olsvig Hjørring Seminariumimi nunalerineq
assilialiornerlu
immikkut
aallutaralugit ilinniartitsisutut
ilinniagaqarsimavoq. Siullermik Qasigiannguani Juunarsip Atuarfiani
ilinniartitsisuuvoq,
kingusinnerusukkullu Aalborgimi Kalaallit Illuutaanni
siunnersortaalluni. Aalborgimi
teknikimut ilinniarfimmi, aamma kalaallinik ilinniartoqartartumi,
2006-imiilli ilinniartunut siunnersuisutut atorfeqarpoq. Nikolaj
Andersen Olsvig arlalinnik pinnersaanernik suliaqartarsimavoq,
ilaatigut Aasianni blokit isuini qalipaasarluni Aalborgimilu
containerinut qalipaasarluni. Kalaallit Allakkeriviannut
siullermeerluni 2013-imi frimærkimik titartaavoq.
