UNNIA
Varna nersornaammut qaffasissumut innersuunneqartoq
- Nipilersortarnermi saniatigut qitinnermik, isiginnaartitsinermi atisanik videoliornermillu suliaqartarpoq, tusarnaartitsinerminilu ataatsimoortinnerisigut, tusarnaartut killitsissutigisaannik misigisaqartittarlugit, Nunat Avannarliit Siunnersuisoqatigiivi allapput.
Assi: Angunguak Motzfeldt
Varna
Marianne Nielsen,
erinniortoq, siorna januaarimi saqqummersitani EP Sila pissutigalugu
Nunat Avannarliit Siunnersuisoqatigiivisa nipilersornermut
nersornaasiuttagaannut 2026-mut innersuunneqarpoq. Saqqummersitaata
nalilerneqarnerani AG ilaatigut ima allappoq:
- Varna nipilersukkamini, ileqqutoqqat nutaaliallu akuleriissillugit saqqummersitani aqqutigalugit, nuannerluinnartumik kinaassutsimik, tulluusimaarutinik nukittunermillu misigissutsinik pilersitsisarpoq.
Nipilersortartut
allat aqqaneq-marluk Nunanit Avannarlerneersut peqatigalugit maanna
innersuunneqartunut ilaavoq.
Siunnersuisoqatigiit
innersuussinerminni, nipilersoriaatsimigut Tunumi qilaatersortarneq
qilaatersornermilu qitinnermi ileqqutoqqat attatiinnarniarlugit
ersersinniarlugillu suliniuteqartarnera, ilaatigut
tunngavilersuutigaat.
-
USA-p Kalaallit Nunaannut soqutiginninnera pissutigalugu, piffissami
kingullermi politikikkut pisoqarnerani uivernerup nalaani, Varna
aamma sakkortuunik akerliuniarniarnernillu arlalissuarnik, Kalaallit
Nunaata nammineersinnaatitaaneranik ersersitsisunik,
saqqummiussisimavoq, Nunat avannarliit Siunnersuisoqatigiivi
tunngavilersuutiminni allapput, taannalu aamma Nunat Avannarliit
Siunnersuisoqatigiivisa nittartagaani atuarneqarsinnaavoq.
