Aningaaserivimmi atuisut akiliutiminnik atuisinnaanerat ajornartorsiuteqarpoq

Kortinik akiliisinnaaneq Netsip ajornartorsiuteqarneranik akornuteqartoq GrønlandsBanken paasissutissiivoq. Mobilepay aningaasanik nuussiniarnermi ajornartorsiuteqartoqarsinnaasoq aamma nalunaarutigineqarpoq.

Netsimi ajornartorsiutit pissutigalugit kortit atorsinnaanngillat.

Assi: Leiff Josefsen.

KASSAALUK KRISTENSEN KASSAALUK KRISTENSEN Digitalimik aaqqissuisoq

Saqqummersinneqarpoq 21. Maaji 2026 - 10:21

Annonse

Pisiniarfimmi kortit akiliutiginiarukku iluatinngitsoorsinnaavoq.

Nets kiffartuussinermi maanna ajornartorsiuteqarpoq, taamaammallu pisiniarfimmi kortimik akiliiniartut iluatsinngitsoortarsinnaanerat GrønlandsBankenimiit nalunaarutigineqarpoq.

- Dankort aamma Akiliut aningaasanik tigusisarfinni pisiniarfiillu ilaanni suli atorneqarsinnaapput. Mobilbank aamma Netbank nalinginnaasumik ajoquteqaratik ingerlaannarput, aningaaserivimmiit allapput.

Mastercardimik kortillit pisiniarfinni akiliiniarnerat ajornakusoorneruvoq. Mastercardimik kortillit ajornartorsiutip aaqqinnissaata tungaanut GrønlandsBankenimi akeqanngitsumik aningaasanik tigusisinnaasut, aningaaseriviup paasissutissiissutigaa.

Mobilepayimi nuussiniarneq aamma ajoquteqarsinnaasoq nalunaarutigineqarpoq.