ILINNIARTITAANEQ
Ilinniarfiup allilerneqarnissaa ilusinikkiartuaarpoq
Sanaartornissamut pilersaarutit naammassineqareersimasut, Ilisimatusarfiullu ilusissaanik ineriartortitsinermik tikkuussisinnaalluartut, Ilisimatusarfimmi pisortaq oqarpoq.
Campusip allilerneqarnera immikkoortunik qitiusunik arlalinnik imaqarpoq. Qassi nutaamik sanaartorneqartussaavoq siunissami sammisassanut pisariaqartitanullu inissaqarnerulissalluni. Inua aamma nutaamik sanaartortinneqarpoq atortorissaarutinik pioreersunik imaqassalluni, Qullerlu tassaapput illut maannakkut atorneqartut, taakkulu nutarterneqassapput suliniummullu nutaamut tamarmut ilanngunneqassallutik.
Assi: Odd Andersen/AFP/Ritzau Scanpix
Ilimmarfiup allilerneqarnissaanut Uppik-imi suliaqarneq
maanna pingaarutilimmik alloriarfiuvoq.
– Sanaartornissamut pilersaarutit naammassineqarput,
taakkulu Ilisimatusarfiup ukiuni tullerni qanoq ineriartortinneqarnissaanut
najoqqutassaqartitsipput, ilisimatusarfimmi pisortaq Christine Tønnesen
oqarpoq.
Sanaartornermi aqutsinermut atortut
Sanaartornermi pilersaarutit, suliniummi tunngaviusut,
Ilisimatusarfiup nittartagaani takuneqarsinnaapput.
– Sanaartornermut pilersaarutit kissaatigisanik,
pisariaqartitanik piumasaqaatinillu katersuiffiupput, suliaqarnermilu
aqutsinermi atortuussallutik – titartakkanik siullerniit sanaartukkat
naammassinissaata tungaanut. Tamatuma saniatigut siunnersuisut suleqataasullu
immikkoortunik tulliuttunik aallartitsigaangata suliap nanginnissaanut
tunngaviliipput. Allatut oqaatigalugu tunngaviliisuupput –
pappiaqqamiinnaanngitsoq, kisianni Ilisimatusarfiup siunissami nukittunerusumik
ineriartortinneqarnissaanut, Christine Tønnesen oqarpoq.
Inissaq killeqartoq
Ilinniarfiup allilerneqarnissaanut inissaqarpallaarunnaarneq
peqqutaavoq. Illuutit aallaqqaammut ilinniartunut 130-inut ilinniartitsisunullu
20-inut naammattussanngorlugit sanaajupput, ullumikkulli 600-nit amerlanerusut
ilinniarput ilinniartitsisullu 100-nit amerlanerusut sulillutik.
Ilinniarfissuarmi oqummik ajornartorsiuteqarneq silaannaallu
ajornera pissutigalugit ullumikkut ilinniartitsisunngorniartut
ilinniartitaanerisa annersaat Ilisimatusarfimmi ingerlanneqartarpoq.
Ilisimatusarfiup illuutai nutaat.
Assitaliisoq: TNT Nuuk
Qassi, Inua Qullerlu
Taamaattumik sanaartornissamut pilersaarutini pingaarnertut
sammineqassaaq Ilinniartitsisunngorniarik pitsaanerusunik sinaakkuteqarnissaa
atortoqarnissaalu. Nunattalu sinneranut ammaassinerunissaq anguniarlugu najugaq
qimannagu ilinniartoqarsinnaanissaq pillugu avataanut
ilinniartitsisinnaanissamut periarfissaqartitsilernissaq aamma anguniagaavoq.
Timersortarfissuaq aamma sananeqassaaq, tassanilu
aaqqissuussat angisuut, ataatsimeersuarnerit, timersornermik
isiginnaartitsisarnermullu ilinniarfiit ingerlanneqarsinnaapput, kiisalu
ilinniartut innuttaasullu sunngiffimminni timersornissamut timigissarnissamullu
periarfissaqartinneqalissallutik.
Nunap kingornussassaa
Pinngortitap ilinniartitsinermi atorneqarsinnaanissaanut
periarfissanik aamma pilersitsisoqassaaq. Kiisalu inuiaqatigiit kulturikkut
kingornussaannik, pinngortitamik eqqumiitsulianik pigisatsinnik
toqqorsivissamik Nuummi nunattalu sinnerani ilinniartitsinikkut
siammarterinermilu atugassanik aserfallatsaaliuinermillu allagartalersuinermik
ingerlatsivimmik sanasoqassalluni.
– Alliliinissaq immikkoortunik qitiusunik arlalinnik
imaqarpoq. Qassi nutaamik sanaartorneqartussaavoq siunissami sammisassanut
pisariaqartitanullu inissaqartitsilissalluni. Inua aamma sanaartugassaavoq
nutaaq atortorissaarutinik pioreersunik imaqassalluni, Qullerullu ataaniittut
tassaapput illut maannakkut atorneqartut nutarterneqartussat Campus-imullu
nutaamut tamarmiusumut ilanngunneqartussat, Christine Tønnesen oqarpoq.
Illuutit akornanni silami pitsaasunik assigiinngitsunillu atuartitsinermut katerisimaarnermullu atorneqarsinnaasunik periarfissiisunik inissaqassaaq.
Assitaliisoq: TNT Nuuk
Sanaartorneq nutaaq 7.000 m2-nik angissusilik
Sanaartornissamut pilersaarutit naapertorlugit Qassi 2.000
m²-t missaanni angitigisunngorlugu sanaartorneqassaaq, taannalu Ilimmarfiup
avannaa-tungaani inissinneqassalluni. Illu nutaaliaasunik
ilinniartitsiffeqassaaq, timersortarfissuaqassalluni assigiinngitsunillu
atugassaqartitsissalluni, aamma ilinniartunut, sulisunut innuttaasunullu
sammisaqartitsiviullunilu kulturikkut sammisassaqartitsiviussalluni.
Qassip saniatigut Ilisimatusarfik aamma kitaanut
allilerneqassaaq ilinniarfik Inua 5.000 m2-t missaannik angissusilik
sanaartorneqassalluni.
Aammattaaq kissaatigineqarpoq Ilimmarfimmi illut tamarmik
siunissami ataqatigiilernissaat, taamaalilluni illuutiniit
aneqqaanngikkaluarluni ilinniarfiup iluani tamaarmi
ingerlasoqarsinnaasoqalissalluni.
Ilinniarfiup sanaartorneqarnera tamarmi 500-600 million
koruuninik akeqassaaq.
Allaaserisaq aviisimiit ilinniarneq pillugu sammisameersuuvoq, akeqanngitsumik una toorlugu atuarneqarsinnaavoq.
