KL

DK

Illoqarfiit uku Kunngip Frederiup tikeraassavai

Kunngi Frederik pingasunngorpat Nuummut tikissaaq, tikeraarnerminilu Maniitsoq Kangerlussuarlu aamma tikissagai pilersaarutaagallartumi allaqqavoq.

Kunngi Frederik Kalaallit Nunaannut siornatigut tikeraarneranit assi. Jens-Frederik Nielsen saamiatungaaniippoq.
Jørgen Schultz-Nielsen TUSAGASSIORTOQ / TUSAGASSIORTOQ
Saqqummersinneqarpoq

Kunngip Frederiup Kalaallit Nunaannut tikeraarnissaanut pilersaarut Naalakkersuisut saqqummiuppaat.

Kunngi pingasunngorpat Nuup mittarfianut missaaq, tassanilu Naalakkersuisut Siulittaasuannit Jens-Frederik Nielsenimit (D) aamma Inatsisartut Siulittaasuannit Kim Kielsenimit (S) tikilluaqquneqassaaq.

Kunngi pingasunngornermi Nuummiissasoq pilersaarutaavoq.

Issittumi tunngaviusumik ilinniarfimmut pulaarneq

Kunngi Frederik sisamanngorpat Maniitsumut tikeraassaaq. Maniitsumili tikeraarnnermini sussanersoq suli paasissutissiissutigineqanngilaq.

Ulloq taanna Kangerlussuarmut ingerlaqqissaaq, tassanilu Issittumi tunngaviusumik ilinniarfik tallimanngorpat pulaassagaa pilersaarutaavoq. Tamatumalu kingorna tikeraarneq naammassineqassaaq.

Ataqqinartorsuup tikeraarnera pillugu sukumiinerusumik kingusinnerusukkut paasissutissiisoqassaaq.

kangerlussuaq nuuk kalaallit nunaat inuiaqatigiit kunngi frederik maniitsoq

Atorfiit tamaasa takukkit

PODCASTI

Powered by Labrador CMS