Imarsiornermik Ilinniarfimmi pisortaasimasoq INUILI-mi pisortanngortoq

Nivikka Brandt INUILI-mi apriilip aallaqqaataaniit 2026-mi pisortatut atorfinitsinneqartoq, ilinniartitaanermut, kultureqarnermut, timersornermut ilageeqarnermullu naalakkersuisoqarfik nalunaarpoq.

INUILI-mi pisortanngortussaq sulisunik ineriartortitsinermik, ilinniartitaanermik, imminut pilersornermut kalaallillu pissarititaannik atorluaanermik misilittagaqarpoq.

Assi: Naalakkersuisut

Hollie Olsen Kielsen Hollie Olsen Kielsen Hollie Olsen Kielsen Tusagassiortoq

Saqqummersinneqarpoq 17. Februaari 2026 - 15:06

Annonse

Nivikka Brandt Naalakkersuisut Siulittaasuata Naalakkersuisoqarfiani sulisoqarnermut ineriartortitsinermut tunngasuni atorfimmini aqutsinermut tunngavimmik sulisunullu tunngavimmik ineriartortitsisimavoq. Atorfik INUILI-mi pisortanngortussanngornini pissutigalugu qimattussanngorpaa.

Imarsiornermik Ilinniarfimmi pisortaasimanermigut INUILI-mi pisortatut atorfininnissaminut misilittagaqarluarpoq, ilinniartitaanermut naalakkersuisoqarfik tusagassiuutitigut nalunaarummi allappoq.

- Nivikka Brandt nunani avannarlerni ataatsimoorussamik suleqatigiinnermik aamma misilittagaqarpoq, aammalu aqqutissiuisuulluni nammineq pilersornermut, piniarnermut aalisarnermullu minnerunngitsumillu kalaallit pissarititaanik atuinerannut, tamannalu nerisassiornermik, nunalerinermik imminullu pilersornermik ilinniarfiup nutaap ilusilersornissaanut pingaaruteqarluinnarpoq.

Pisortanngortussap suleqatiginissaa qilanaarineqartoq, naalakkersuisoqarfik tusagassiuutitigut nalunaarummi allappoq.