Inuit Pisinnaatitaaffii Pillugit Siunnersuisoqatigiit arnat spiralilersorneqarsimasut taarsiivigineqarnissaannik aaqqissuussaq suli isornartorsiorpaat

Spiralilersuinermi eqqugaasut taarsiiffigineqarnissaat pillugu inatsisissatut siunnersuut Folketingimi sapaatip-akunnerani kingullermi tallimanngornermi oqaluuserineqarpoq.

Inuit Pisinnaatitaaffii Pillugit Siunnersuisoqatigiit siunnersuut suli nangaassutigisimallugu, tusagassiutitigut nalunaarummi allapput.

Assersuutigalugu siunnersuisoqatigiit arnat taarsiiffigitinnissamik qinnuteqarsinnaanerat piffissaligaanera akerleraat. Inuit pisinnaatitaaffiinik sualuttumik unioqqutitsinerit pineqartillugit piffissamik killiliisoqassanngitsoq, siunnersuisoqatigiit allapput:

- Suliami ilaatigut allaat niviarsiaqqat aqqaneq-marlunnik ukiullit pineqarput, eqqugaasullu amerlasuut timikkut tarnikkullu kingunerlutsitsillutik suli inuupput. Aamma arnat ilaat sivisuumik imaannaanngitsunik kingunerlutsitsisartut, soorlu anniartarlutillu aseruuttoortarlutillu meerartaarsinnaanngitsut misigissutsimikkullu ajoqusersimasut, misissuinermit erserpoq, Inuit Pisinnaatitaaffii pillugit Siunnersuisoqatigiit allapput.

Aammattaaq IPPS-ip ilaatigut pisup nalaani arnap qanoq utoqqaatiginera, qanorluunniit amerlatigisunik naalliutsinneqarsimanera aamma timikkut tarnikkullu kinguneri apeqqutaatinnagit, taarsiissutissat tamanut 300.000 koruuniunissaat apeqquserpaa.

Aammattaaq allaffissornermut tunngasunik naammagittaalliuuteqarsinnaanerup amigaataanera siunnersuisoqatigiit ernummatigaat. Patienterstatningen itigartitsissappat, aalajangiineq allaffissornikkut oqartussaasunut allanut naammagittaalliutigineqarsinnaanngilaq, arnalli eqqartuussivinnut suliassanngortitsisinnaasut innersuutigineqarpoq.

– Aperisariaqarpugut qanoq piviusorsiortiginerunersoq arnap kalaallip 60-it 70 illuunniit sinnerlugit ukiullip Patienterstatningimiit aalajangiineq naammagittaalliuutigisinnaassagaa?

- Danmarkimi eqqartuussivimmi suliassanngortitsinissamut pisariaqartumillu inatsisitigut ikiorserneqarnissamut qanoq nukissaqarlunilu akissaqassava? Naalagaaffik taarsiinissamut aaqqissuussinermik atuutilersitsiguni arnanut ukiuni qulikkuutaani utaqqisimasunut, taava aamma periarfissaqartariaqarpoq itigartitaasunut ajornanngitsumik angujuminartumillu misileeqqinnissamut aqqutissaqarnissaq, siunnersuisoqatigiinnut ilaasortaq Steve Sandgreen oqarpoq nangillunilu:

– Arnat uani pineqarput, ilaat allaat meeraanerminni, namminneq timiminnik kinguaassiorsinnaanerminnillu aalajangiisinnaatitaanerat tunngaviusoq innarlerneqarmat. Arlallit inuunerminni kingunerluutit suli atorpaat. Taamaattumik taarsiiffigitinnissamut periarfissaq piffissamik killiliinikkut matuneqartariaqanngilaq. Ilutigalugu nassuerutigisariaqarparput pineqartut