Pisortaasimasumut Gert Platou Jakobsenimut Eqqartuussisoqarfik Sermersuumi suliami, februaarimi ulluni pingasuni eqqartuunneqarluni, eqqartuussut aalajangerneqarpoq.
Eqqartuussiviup Gert Platou Jakobsen pisuni sisamani tamani, ilaatigut Kommuneqarfik Sermersuumi sulinermini peqquserlunnermut oqartussaassutsimillu atornerluinermut tunngasuni, pisuutippaa.
Pisortaasimasumut Gert Platou Jakobsenimut Eqqartuussisoqarfik Sermersuumi suliami, februaarimi ulluni pingasuni eqqartuunneqarluni, eqqartuussut aalajangerneqarpoq.
Eqqartuussiviup Gert Platou Jakobsen pisuni sisamani tamani, ilaatigut Kommuneqarfik Sermersuumi sulinermini peqquserlunnermut oqartussaassutsimillu atornerluinermut tunngasuni, pisuutippaa.
Københavnip politiivini unnerluussisussaatitaasumit Henrik Uhl Pedersenimit, eqqartuussivimmi suliamik suliaqartumit, oqaatigineqarpoq.
Gert Platou Jakobsen pinerluuteqaqqikkuni qaammatini arfinilinni pineqaatissinneqarsimasunut inissiisarfimmiittussanngortinneqassaaq. Eqqartuussiviup ilaatigut suliap sivisuumik suliarineqarnikuunera, 2019-imiit 2022-mut pisimasut pineqarmata, tunngavilersuutigaa.
Atorfimmik atornerluineq
Gert Platou Jakobsenip kommunip eqqiaasunik neqeroortitsinerani unioqqutitsilluni sunniisimasoq, taamaalillunilu suliffeqarfik ilaquttami pigisaanut suliakkissutigineqarneranik kinguneqartumik, eqqartuussiviup uppernarsarneqartutut nalilerpaa. Peqquserlunneq paatsuugassaanngitsoq, unnerluussisussaatitaasoq eqqartuussivimmi oqarpoq.
Gert Platou Jakobsen ilaquttanilu kommunimut attuumassuteqanngitsunik angalanernut akiliunneqartarsimanertik, kiisalu kommunip korti akiliut nammineq inuttut atugassaminut akiliutigisarsimaneranut aamma pisuutinneqarpoq.
Jakobsenip tamani pisuunnginnerarpoq.
Eqqartuunneqartup oqaaseqartinnissaa iluatsinngilaq, Nunattalu Eqqartuussisuuneqarfianut suliareqqitassanngortitsissanersoq suli ilisimanngilarput. Aalajangiinissaminut ulluni 14-ini periarfissaqarpoq.
Sermitsiap eqqartuunneqartut aqqi saqqummiunneq ajorpai, uanili pisumi pissaanermik atuuffimmillu atornerluisutut pisuutinneqartoq pissutigalugu taamaaliorluni.
