Kujataani silarlunnera timmisartuussinissanut kalluaavoq

Kujataani sila pissutaalluni timmisartut qulimiguullillu qangattarsinnaanngikkallarput. Sumiiffimmut timmisartuussinissat, taassumalu eqqaani qulimiguulimmik angallassinissat tamarmik kalluarneqarput. Angalasussat ilaasa aallarfissaat arleleriarlutik kinguartinneqarput.

Ajoraluartumik silarluinnarnissaa ilimagineqarpoq, anoraa 40 knob angusassallugu, Air Greenlandimit paasissutissiipput.

– Angalasut kalluarneqartut ikiorniarlugit sapinngisatsinnik immikkut timmisartuussisassaagut. Tamanna pissaaq qulimiguullit H125 aamma H155 kiisalu timmisartut Dash-9 atorlugit. Pilersaarutit malillugit ingerlasoqassappat naatsorsuutigaarput angalasut tamarmik anngussinnaassasut kingusinnerpaamik arfininngornermi decembarip 13-ani.

Timmisartortitseqatigiiffiup angalanissamut pilersaarutit nassiunneqareersimasut allanngortinneqarneq ajornerat eqqumaffigeruqquaa. Angasut pisinnaatitaaffitik pillugit nittartakkami paasisaqarnerusinnaapput.

– Pisarissersuinerput ajuusaarutigaarput, qujanarlu paaasinnikkassi, Air Greenland allappoq.