Atuarfiit sisamat tamakkiisumik ilaannakuusumilluunniit matoqqasariaqarput oqoqartoqarnera pissutigalugu.
Ilinniartitaanermut Naalakkersuisoq Nivi Olsen (D) ajornartorsiut pillugu apeqquteqartumut Inatsisartunut ilaasortamut Nivi Rosingimut (IA) taama paasissutissiivoq.
Atuarfiit sisamat tamakkiisumik ilaannakuusumilluunniit matoqqasariaqarput oqoqartoqarnera pissutigalugu.
Ilinniartitaanermut Naalakkersuisoq Nivi Olsen (D) ajornartorsiut pillugu apeqquteqartumut Inatsisartunut ilaasortamut Nivi Rosingimut (IA) taama paasissutissiivoq.
Nivi Olsen akissummini allappoq kommunit Ilinniartitaanermut Aqutsisoqarfik ilisimatissimagaat nunami meeqqat atuarfii sisamat tamakkiisumik ilaannakuusumilluunniit matoqqasut oqoqarneq pissutigalugu:
- Atuarfik ataaseq ilaannakortumik
matoqqatinneqarpoq atuaqatigiiaanut ataatsinut sunniuteqartumik. Atuarfiit pineqartut
illoqarfinni ukunaniipput; Nuuk, Maniitsoq, Ittoqqortoormiit Qeqertarsuatsiaallu.
- Ittoqqortoormiini atuarfik ilaannakortumik matoqqavoq Nuummi atuarfiit pineqartut
marluupput. (Atuarfik Samuel Kleinschmidt aamma Ukaliusaq).
Aningaasanik katersuiumalluni ministerit aningaasaateqarfiillu naapippai
Naalakkersuisoq nangilluni oqarpoq atuarfinni taakkunani sisamani meeqqat katillugit 1.295-it oquk pissutigalugu namminneq atuarfimminnit allamut nuuttariaqartut.
Atuarfiit kommunit akisussaaffigaat. Nivi Rosingilli apeqqutimini erseqqissarpaa atuarneq pisinnaatitaaffiusoq, taamaattumillu paaserusullugu Naalakkersuisut kommunit atuarfiinik oqoqartunik ikiuiniarlutik anguniagaqarnersut.
Naalakkersuisoq ilisimatitsivoq Kommune Kujallermi borgmesteri ataatsimeeqatigineqartoq, tassanilu atuarfiit pillugit oqallinneq qitiusumik oqaluuserisassaasimasoq. Aammattaaq Kommuneqarfik Sermersuumi borgmesteri Nuummi atuarfiit pillugit oqaloqatiginiarneqarsimavoq.
- Aamma danskit ministerii aningaasaateqarfiillu atuarfinnut aningaasaliisinnaanissaat
eqqarsaatigalugit ataatsimeeqatigisarpakkattaaq, Nivi Olsen akissummini allappoq.
Sooq nunanut allanut angalaneq salliunneqarpa?
Inatsisartuni ilaasortap Nivi Rosingip aamma naalakkersuisoq isornartorsiorpaa, sooq nunanut allanut angalanissaq salliutinneqarnersoq, nunatsinni atuarfeqarnermi ajornartorsiuteqartillugu.
Nivi Olsenip uppernarsarpaa atuarfiit aaqqiiviginissaat suliassami pingaarnerpaartarigaat, erseqqissarlugulu angalanermini suliani meeqqat ikiorniarlugit sulinermut ilaasoq:
- Ilutigaluguli erseqqissaatigissavara nunatsinni nunanilu tamalaani angalallunga
suliarisartakkakka meeqqanut pingaaruteqartorujussuusarmata. Angalanerit tamakku
meeqqat atuarfiinut meeqqanullu kingusinnerusukkut periarfissanik nukissanillu
tuniseqataalersinnaasarmata.
- Naalakkersuisoqarfiup susassaqarfigaa meeqqat atuarfiat, aammali nunaqavissut
Kalaallit Nunaata avataani ilinniartut, inuusuttuaqqat efterskolertut il. il., taakkulu nunatta
avataani sulianik ingerlataqarnissanik pisariaqartitsilersinnaasarlutik
