KL

DK

UNNIA

Naalakkersuisumut allatsi nutaaq

Suinni L. Johansen nunanut allanut tunngasunut ilisimatusarnermullu naalakkersuisumut Vivian Motzfeldtimut allatsitut atorfinitsinneqarpoq, taannalu Naalakkersuisut Siulittaasoqarfiani immikkut siunnersortitut atorfeqarsimavoq.
Bent Højgaard Sørensen Freelance tusagassiortoq
Saqqummersinneqarpoq

Suinni L. Johansen, 36-nik ukiulik,  nunanut allanut tunngasunut ilisimatusarnermullu naalakkersuisumut Vivian Motzfeldtimut, Siumut, allatsitut atorfinitsinneqartup Rosa Thorsen taarserpaa.

Suinni L. Johansen sociologitut kandidatitut ilinniarsimasuuvoq. 

Taakkunani ilinnialertinnani Nuummi Ilisimatusarfimmi inuiaqatigiilerinermi bacheloritut naammassinikuuvoq.

Suinni L. Johansen Naalakkersuisut Siulittaasuata Jens-Frederik Nielsenip naalakkersuisoqarfiani immikkut siunnersortitut atorfeqarsimavoq.

- Siulittaasoqarfimmit atukkiunneqarpunga, Suinni L. Johansen Sermitsiamut oqarpoq.

Siusinnerusukkut ukiut tallimat sinnerlugit Folketingimi Siumup allattoqarfiani pisortaanikuuvoq.

vivian motzfeldt suinni l. johansen inuiaqatigiit naalakkersuisut placed siumut sociologi

Atorfiit tamaasa takukkit

PODCASTI

Powered by Labrador CMS