KL

DK

Naalakkersuisut angalanerinit aningaasartuutit kikkut tamarmik takoriaannaalissagaat

Naalakkersuisunut ilaasortat angalanerannit aningaasartuutit Naalakkersuisut nittartagaanni kikkunnit tamanit takuneqaannarianngussasut, Naalakkersuisut Siulittaasuat, Jens Frederik Nielsen (D), Sermitsiamut allappoq. - Ammanerusumik aqutsinermik pingaartitaqartuugatta, siulittaasoq allappoq.

Sermitsiap angalanernut aningaasartuutinik noqqaanerminut peqqutaa tassaavoq, Inatsisartunut ilaasortat Naalakkersuisut angalasimaneri pillugit paasissutissanik paragraf 37 naapertorlugu apeqquteqaatinik nassiussillattaalernerat.
Andreas Wille Andreas Wille tusagassiortoq
Saqqummersinneqarpoq

Naalakkersuisunut ilaasortat sumut angalaqqammerpat? Angalanerminni kikkut angalaqatigaat? Angalanermut aningaasartuutit nunap karsiata akiligai qanoq amerlatigippat? Apeqqutit ilaatigut tamakkua akissutissarsiniarnissaat ajornannginnerulissasoq, Naalakkersuisut Siulittaasuat, Sermitsiamut allappoq.

- Eqqarsarpunga angalanernit tamanit aningaasartuutit nittartakkatsinnut ilineqartalissasut. Taamaasiornermi innuttaasut ataavartumik malinnaasinnaatinniarlugit, Jens Frederik Nielsen (D) allappoq.

Naalakkersuisunut ilaasortat sumut angalaqqammerpat? Angalanerminni kikkut angalaqatigaat? Angalanermut aningaasartuutit nunap karsiata akiligai qanoq amerlatigippat? Apeqqutit ilaatigut tamakkua akissutissarsiniarnissaat ajornannginnerulissasoq, Naalakkersuisut Siulittaasuat, Sermitsiamut allappoq.

- Eqqarsarpunga angalanernit tamanit aningaasartuutit nittartakkatsinnut ilineqartalissasut. Taamaasiornermi innuttaasut ataavartumik malinnaasinnaatinniarlugit, Jens Frederik Nielsen (D) allappoq.

Sermitsiap Naalakkersuisunut ilaasortat siorna marsimi naalakkersuisoqatigiilioreernerup kingorna, ukioq manna juunip naaneranut angalanerannut aningaasartuutaat, Naalakkersuisoqarfinnut tamanut noqqaassutigai. Taakkua akissutaannit paasinarsivoq qaammatini 14-ini angalanernut 10.4 millionit koruuningajalluinnaat aningaasartuutaasut.

Sermitsiap angalanernut aningaasartuutinik noqqaanerminut peqqutaa tassaavoq, Inatsisartunut ilaasortat Naalakkersuisut angalasimaneri pillugit isorinnillutik paasissutissanik paragraf 37 naapertorlugu apeqquteqaatinik nassiussillattaalernerat.

Ammanerorusuttoq 

Naalakkersuisut Siulittaasuat maanna isumaqarpoq, allagaatit noqqaassutaasarunnaarlutik kikkut tamarmik takoriaannaalissagaat. Sooq taama eqqarsaateqarnerluni Sermitsiamit aperineqarami ima akivoq:

- Ammanerusumik aqutsinermik pingaartitaqartuugatta, Jens Frederik Nielsen allappoq.

Siunissaq eqqarsaatigalugu angalanerunissamik angalannginnerunissamilluunniit naatsorsuuteqarnerluni aperineqarami apeqqut akinngilaa. Angalanernili aningaasat amerlanerungaartut Kalaallit Nunaannit pissarsiarineqartut taanna isumaqarpoq.

- Nalunngilara aningaasarpassuusut angalanernut atortakkagut, kisiat aamma nalunngilara angalanerni annertuunik pissarsiaqartarluta, 10 mio. kr.-it atorneranni milliardit arlalissuit qulakkeerpagut qinigaaffimmi uani, Naalakkersuisut Siulittaasuat allappoq.

Piffissaliisoq

Naalakkersuisut angalasimanerannit paasissutissat nittartakkami tuuinnarlugit nuisinneqaannarianngornissaat pillugu allaffissornikkut aaqqiissummik suliaqartoqarlunilu ujaasisoqassasoq, taanna aamma allappoq. Kikkullu tamarmik angalanermit aningaasartuutinik qaqugu ajornannginnerusumik takunnissinnaalernissaat pillugu ulluliussaqarpoq.

- Kingusinnerpaamik ukioq nutaaq aallartitsinnagu atuutsilernissaa naatsorsuutigaara, Jens Frederik Nielsen allappoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

inuiaqatigiit jens frederik nielsen nittartagaq angalanernut aningaasartuutit naalakkersuisut ammasumik aqutsineq

Atorfiit tamaasa takukkit

PODCASTI

Powered by Labrador CMS