2025-mi timersornermut tunngatillugu immikkut tulluusimaarutigisannik pisoqarpa?
- Orkney-imi 2025-mi Qeqeqertarmiut Unammiuaarneranni holdikkaarluni unammisaqattaarnermi kuultinnanneq, ukiup ingerlanerani misigisama nuannernerpaat ilagaat. Unamminermi aalajangiisuusumi peqataaneq, ajugaanissama qulakkeernissaa aamma Kalaallit Nunaannut tamarmut kuultimik angerlaasseqataanermut peqataaneq – tamakkua tamarmik sungiusarnissannut pikkorinnerulernissannullu kajuminnerulissutigisarpakka.
ATEQ: TOKE KETWA-DRIEFER
Ukiut: 27
Suliffik: Nakorsanngorniaq
Timersuut: Sulorarneq
2025-mi timersornermut tunngatillugu immikkut tulluusimaarutigisannik pisoqarpa?
- Orkney-imi 2025-mi Qeqeqertarmiut Unammiuaarneranni holdikkaarluni unammisaqattaarnermi kuultinnanneq, ukiup ingerlanerani misigisama nuannernerpaat ilagaat. Unamminermi aalajangiisuusumi peqataaneq, ajugaanissama qulakkeernissaa aamma Kalaallit Nunaannut tamarmut kuultimik angerlaasseqataanermut peqataaneq – tamakkua tamarmik sungiusarnissannut pikkorinnerulernissannullu kajuminnerulissutigisarpakka.
Maligassiuisuunerit ilinnut qanoq pingaaruteqartigaa?
- Tamanna annerusumik eqqarsaatigisarsimanngilara, ukiunili kingullerni paasilerpara pissusilersornera pingaaruteqartoq. Unammitillunga timersortarfissuarmilu ileqqorissaarniartarpunga – nammineq piinnarnanga, aammali inuusuttuaqqat unammisartut allallu, uagut nunanut allanut unammisartut Nunatta sinniisaatut isigisarmatigut. Akisussaaffik tamanna pingaartitaraara
Unammiffimmi nunat sinnerlugu unammisarnerit qanoq pingaaruteqartigaa?
- Nunatta erfalasuanik atuineq ataqqinaataasorujussuuvoq. Pisussaaffiliivoq unamminerillu ilungersunaraangata tamatigut 10 procentimik assorornarnerusarluni. Imminuinnaq pinnani Nunarpuilli tamakkerlugu sinnerlugu unammisoqartarpoq.
2026-mi sunik anguniagaqarpit?
- Timersornermut tunngatillugu poorskikkunni Nunatsinni pissartanngoqqissinnaassallunga neriuutigaara. Nunanut allanut unammisartut allat peqatigalugit nunarsuarmi pointinik katersiniarsarivunga, taamaalilluta unammiuaarnernut annerusunut soorlu Europami pissartanngorniunnissamut anngussinnaaniassagatta. Ukiap ingerlanerani ilaatigut Ungarnimi Irlandimilu unammeqataasarpugut. Unammiuaarnernut taama sakkortutigisunut anngunniarnissaq unammillernartuuvoq, kisiannili tamanna anguniarlugu uanga nunanut allanut unammisartut allat peqatigalugit ilungersorniarpugut.
