Timmisartoq Nuummut utertariaqalersoq

Malugiuk: Timmisartoq isumannaallisaaneq pissutigalugu missimasoq allaaserisami siullermi allaqqagaluarpoq - taamaattoqanngitsoq Air Greenland nalunaaruteqareersorlu nutarterneqarpoq.

Timmisartoq sisamanngornermi ullaap tungaani Nuummut uteqqittoq Kalaallit Nunaanni Politiit Sermitsiamut ilisimatitsipput.

- Timmisartoq ajornartorsiuteqarani mippoq, Kalaallit Nunaanni Politiineersoq Jørgen Madsen oqarpoq.

Timmisartoq motooriminik annikitsumik ajoquteqarnini pissutigalugu illoqarfiup kujataata kangiani kaaviiaareerluni uterluni Nuummut missimasoq Jørgen Madsen oqarpoq.

Timmisartoq Ilulissanukaaraluarpoq.

Pisoq mittarfimmukaasoqarneranik kinguneqarpoq.

Pisoq ajornerunngitsoq Air Greenland Sermitsiamut paasissutissiivoq, minneralu nalinginnaasumik mittoqarneratut pineqarluni.

Motoorip ilaani teknikikkut ajoquteqartoqarmat timmisartoq utertariaqalersimavoq. Timmisartoq ajoquteqarani motooriilu tamarmik ingerlallutik mippoq:

- Timmisartumik isumaannallisaaneq siullinneqartuaannarpoq, motoorillu ajoquteqartutut kalerrisaaritillugit misissorneqartussaallutik, Air Greenlandimi piujuartitsinermut attaveqaqatigiinnermullu pisortaq Inga Dora G. Markussen nassuiaavoq.

Timmisartoq alla ullup ilaa angallassisussanngorlugu pilersaarutaavoq.