Greenland Airportsimi ingerlatsinermut pisortanngortoq aana
Greenland Airports ingerlatsinermut pisortartaarpoq (COO), taannalu marsip aallaqqaataani suliartussaaq.
Mie Rajcic Københavnip mittarfiani assigiinngitsuni atorfeqarnikuuvoq.
Asso: Greenland Airports
Greenland Airportsimi ingerlatsinermut 2025-mi pisortaarummalli suliffik inuttaqanngereersorlu maanna atorfinittussamik nassaartoqarpoq.
Greenland Airportsip Mie Rajcicip tikilluaqqunissaaa qilanaaraa, suliffeqarfik LinkedIn-imi allappoq:
– Greenland Airportsimut piffissami pingaarutilimmi taanna atorfinippoq. Qaqortumi Ilulissanilu mittarfiit ammarnissaannut maanna piareersarpugut, taakkualu saniatigut Kalaallit Nunaanni mittarfinni 13-ini qulimiguulinnullu mittarfinni 46-ni ingerlatsinerput pitsanngorsarlugu.
Mie Rajcic danskit ingerlatseqatigiiffianni Lokaltog A/S-imi, Sjællandimi, Lollandimi Falsterimilu qimuttuitsoqarfimmik kingullermik pisortaavoq.
Aamma mittarfinnik suliaqarneq ilisimasaqarfigilluarpaa, Københavnimmi mittarfiani ukiuni qulingiluani arlaleriarluni atorfeqartarsimavoq.
Atorfik inuttassarsiuunneqartoq
Mie Rajcicip septembari 2025-mi soraartoq Henrik Estrup taarserpaa.
Pisortaaneq Jens Lauridsen nutaamik niuernermik ukkataqarnerusumik atorfinitsitsinissamut piffissanngortoq taamani oqarpoq. Taassuma
taamani pisortaq misilittagalik Niels Grosen suleqatigalugu atorfik akisussaaffigaa.
Mie Rajcic, Greenland Airportsimi marsip aallaqqaataani atorfinittussaq, allanngortitsinissamik aqutsineq piginnaanimi pingaarnerit ilaattut taavaa.
