Amerikamiut ingerlatseqatigiiffiat Greenland Energy Company kvartalit pingajuanni qillerivimmut atortunik Jameson Landimut tunniussinissaq pilersaarutigalugu, Kalaallit Nunaannilu oqartussanit akuersissuteqartoqarpat 2026-mi kvartalit sisamaanni qillerinerit aallartinniarlugit apriilip aallartinnerani nalunaarpoq.
Ingerlatseqatigiiffik New Yorkimi børsimi 70 millionit dollarinik, tassa 450 millionit koruuningajannik, sumiiffimmi misissuinissamut aningaasaliissuteqarsimalluni kingullermik nalunaarpoq. Tamanna suleqataata tuluit 80 Mile PLC-p, suliffeqarfimmik White Flame Energymik piginnittut, 2014-imili Tunumi Jameson Landimi uuliasiornissamut akuersissutinik pingasunik 2 millionit hektarinit amerlanerusunik annertussusilimmik piginnittup, børsimut nalunaarutaani takuneqarsinnaavoq.
Amerikamiut ingerlatseqatigiiffiat Greenland Energy Company kvartalit pingajuanni qillerivimmut atortunik Jameson Landimut tunniussinissaq pilersaarutigalugu, Kalaallit Nunaannilu oqartussanit akuersissuteqartoqarpat 2026-mi kvartalit sisamaanni qillerinerit aallartinniarlugit apriilip aallartinnerani nalunaarpoq.
Ingerlatseqatigiiffik New Yorkimi børsimi 70 millionit dollarinik, tassa 450 millionit koruuningajannik, sumiiffimmi misissuinissamut aningaasaliissuteqarsimalluni kingullermik nalunaarpoq. Tamanna suleqataata tuluit 80 Mile PLC-p, suliffeqarfimmik White Flame Energymik piginnittut, 2014-imili Tunumi Jameson Landimi uuliasiornissamut akuersissutinik pingasunik 2 millionit hektarinit amerlanerusunik annertussusilimmik piginnittup, børsimut nalunaarutaani takuneqarsinnaavoq.
Piginneqataassutsit 70 procentii pigilissagaat
80 Mile-p piginneqataassutsit 30 procentiinnaat pigissagai Greenland Energy Companyp misissuinermut qillerinernullu aningaasartuutit tamaasa akilerumaarai, akerlianillu Jameson Landimi suliniummi piginneqataassutit 70 procentii tigujumaarai børsimi nalunaarummi atuarneqarsinnaavoq.
Ingerlatseqatigiiffiit naapertorlugit akuersissummik piginnittup uuliasiorfiutai nappartat 13 milliardit missaanniipput. Sumiiffik „nunarsuarmi uuliasiorfiit annertunerpaat ilaat Nordsømut erseqqissumik attuumassuteqartut misissorneqarsimanngitsut kingulliit ilagaat“ 80 Mile allassimavoq, tamannalu amerikamiut uuliasioqatigiiffiata Sproule ERCE-p arlaannaannulluunniit attuumassuteqanngitsup naliliineranik tunngaveqarpoq.
- Uuliap qanoq annertutigineranik missingiineq "uuliaqarsinnaaneranik ilimanaateqartutut" allassimavoq, tassa uuliamik nassaartoqarsinnaanera uppernarsarneqarsimanngilaq. Aammattaaq uuliaqassuseq "aarlerinartoqanngitsoq" pineqarpoq, tamannalu uuliaqarnerata kisitsisilerineq naapertorlugu naatsorsuusiorneqarsimannginneranik isumaqarpoq, Aalborgip Universitetiani aningaasaqarnermut professori Per Nikolaj Bukh oqarpoq.
Assi: Aalborg Universitet
Anguniagassat annikinnerusut
Aalborg Universitetimi aningaasaqarnikkut aqutsinermut professorip, Per Nikolaj Bukhip, oqaatigaa, nalorninartorpassuit børsmeddelelsimi takuneqarsinnaasut maluginiarneqartariaqartut.
- Uuliap qanoq annertutigineranik missingiineq "uuliaqarsinnaaneranik ilimanaateqartutut" allassimavoq, tassa uuliamik nassaartoqarsinnaanera uppernarsarneqarsimanngilaq. Aammattaaq uuliaqassuseq "aarlerinartoqanngitsoq" pineqarpoq, tamannalu uuliaqarnerata kisitsisilerineq naapertorlugu naatsorsuusiorneqarsimannginneranik isumaqarpoq. Taamaammat suliniummut tunngatillugu suli annertuumik nalorninartoqarpoq. Kiisalu inatsisitigut akuersissutinik aammalu attaveqaarsersuutitigut unammilligassaq suli aaqqinneqarsimanngitsoq nalorninartoqarpoq, Per Nikolaj Bukh oqarpoq.
Avatangiisinut sunniutit annertuut
Suliniutip Kalaallit Nunaanni nunarsuarmilu avatangiisinut sunniuteqangaarnani piviusunngortinneqarsinnaanera Per Nikolaj Bukhip aamma takorlooruminaatsippaa.
– Suliniummi annertooq eqqartorparput, taannalu piviusunngortinneqarpat nunarsuarmi uuliamik tunisassiat ukiup ataatsip ingerlanerani 30-50 procentii pissarsiarineqarsinnaassapput. Tamanna Parisimi isumaqatigiissummi anguniakkanut Kalaallit Nunaannilu avatangiisinut qanoq sunniuteqassava? Ingerlatseqatigiiffik Issittumi taama annertutigisumik uuliasiorsinnaassasoq takorlooruminaappoq. Tamanna isumassaqarpallaanngilaq, Per Nikolaj Bukh oqarpoq, taassumalu suliniut Kalaallit Nunaanni politikkikkut tatineqarneq eqqarsaatigalugu aamma isiginiarneqartariaqartoq naliliutigaa.
– Amerikamiut oqaluttuaannut naapertuuppoq, tassa Kalaallit Nunaat aningaasaqarnikkut namminiilivinnissamut aallarteriaannaasoq. Suliniulli nalorninartoqangaatsiarlunilu suli iluamik aallartinngilaq.
