Uummannami filmiliaq piviusulersaarutit pillugit festivalimi pitsaanerpaatut innersuunneqartoq

Ciril Jazbec, Sloveniamiuullunimu filmiliortartoq,  Lucía Floresilu, Perumiulu filmiliortartoq, Uummannarmiut inuusuttut marluk pillugit ukiuni kingullerni marlunni naatsumik filmiliorput.

’SILA’ filmip ateraa, taannalu piviusulersaarutit pillugit festivalimi Big Sky Documentary Film Festivalimi, naatsuliani pitsaanerpaatut nersornaaserneqarnissamut innersuunneqarpoq-

Filmip festivalia, qaammatip matuma ingerlanerani Montanami, USA-mi ingerlanneqartussaq, USA-p kitaani festivalit annersaraat. Tassanilu 'SILA' nunarsuarmi siullermeerluni takutinneqassaaq, februaarip 17-ianni takutinneqassalluni.

Filmimi Marius Schuu Chuu Olsen aamma Jane Sanimuinaq inuttarineqarput, taakku inersimasunngoriartornerat malinnaavigineqarluni.

- Meeqqat angerlarsimaffiat qanimut suleqatigalugu kalaallisut immiunneqarpoq. Kinaassutsimik, ileqqutoqqanik, annaasaqarnermik akiuussinnaassusermillu oqaluttuaavoq, filmi pillugu taama allassimavoq.

- Filmimi inuttat pingaarnerit ulluinnarni inooqatigalugit kulturikkut sorlaqarfiit nunarsuarmilu allanngujaqisumit nalorninartumiit allanngoriaannaasumut ikaarsaariarneq erloqinartoq malinnaavigineqarpoq, allassimavoq.