Perngaammik quaannaveeqquserluni arpannermi eqqarsaatersuutit

Nuuk apisimavoq. 

Annertoorsuarmiunngikkaluartoq, taamaattorli apinerata kingunerisaanik aqquserngit quatserlutillu nipaannerulersitsisumik. Aputeqalernera illoqarfiup nipaanik nipikillisitsimmat anersaartorneq tusaaneqarluarsinnaalerluni. Arpaaserlunga inissiat majuartarfianni nikorfavunga, tassami ullumiummat atortorissaarutinik nutaanik pisivunga: arpaatinnut quaannaveeqqutit tasisuaartunik katannaveeqqutillit, kamippaat aluinut ikkunneqartartut – ukiup unerisimasannginneranut isumannaallisaatit annikitsunnguit, taamaattorli allorissaarluarsinnaanermik qulakkeerinnittut.

Allorarnerit ataasiakkaarlugit Nunarsuup isuanut arpassaanga. Ingattajaartutut immaqa nipeqarsinnaagaluarpoq, taamaakkaluartoq Nuummi sumiiffiit ilaat taama taaneqartarpoq. Qinngorpumi aqquserngit naaffia, kangerlummullu isikkivissuup aallartiffia. Illoqarfiup killeqarfia nunarsuarlu ujaraannanngorlunilu imiinnanngorfia. Inuuneq misigilluarusukkaanni - immaqalu pinngortitamut appakaakkaanni qanoq sanngiitsiginermut imminut eqqaasinniaraanni - arpaffigissallugu tulluartuuvoq. Ullumikkut tusarnaarutikka Apple Watcheralu angerlarsimaffinnut qimappakka. Timigami uuttortarnagu malugerusuppara. Nipilersukkat tusarnaartakkakka tusarnaarnagit pinngortitarsuaq tusaarusuppara. Aallaqqaarninni meterialuit siulliit eqqumiipput. Aqqusinermi aputip aassimaneranut quaannaveeqqutit asfaltimut kiliuisutullusooq ipput. Qanoq ilineratigut sissuerluni ingerlassanerluni timip oqimaaqatigiinnera nassaariniagassaavoq.

Nunarsuaq ammartuusigaangat Nunap arpaffigisama ukiup qalipaatai atereersimavai: qulisimasoq, aqquserngit sinaanni aputit qaquaarnerat, killingusaanilu qaqqarsuit soorlulusooq uumasupiluttut nuissat ataanni inissisimasut. Silaannaq panerlunilu nillertoq qingannut qasilialaartitsivoq. Anersaartorninnilu silammut anersaaraangama pujoqartarpoq. Quaannaveeqqutit kilometererpaaluit kingorna isikkama ilaattut misinnarsipput. Quaannaveeqqutikka apummut kappulluartarlutillu qeraarpalulaarput. Taamaasillungalu quaannaveeqqutikka tatigineruleriartuinnarpakka – taamaasigaangatalu pinngortitap pissusai pakkersimaarniarlugit sananeqarsimasut uppernarsisaraaq.

Aqqusineq nuna sinerlugu ingerlaffissaavoq. Tamaani anori allaanerusutut misinnarpoq – sakkortunerullunilu toqqaannarneruvoq. Atinni tarrajullunilu eqqissinartoq kangerluk ippoq, akinni qaqqat Akianik taaneqartartut ipput. Ila ataatsikkut silarsuup ammanera misinnarpoq, silarsuullu killingusaaq.

Isuani Apissikkama uninnaaveeraluaqaanga. Aqqusineq tamaanga killeqarpoq, nunarsuarlu saanni ammartuusivoq. Piffissamilu sivikitsunnguami tamaat misigissallugu uninngaffigaara. Saanni imarsuaq oqimaaqaluni tungujoqalunilu ippoq. Nikorfaninni itisuumik ilummut anersaarpunga, anorillu sammiviata sumiissusaa kavaajannut anoraata supinera malugisinnaallugu. Maani ”Nunarsuup Isuani” annerusumik qanoq iliuuseqartoqarsinnaanngilaq – qanorli avatangiisit namminermiit anginerutigineri eqqarsaatigineqarsinnaapput. Quaannaveeqquteerannguit timip pissusaanut qanoq allannguisinnaatiginerat angerlamukaarninni assut eqqarsaatigaakka. Eqqarsartaatsikkuinnaanngitsoq timikkulli aamma. Ukiuunerani ajoqusersinnaannginnerulersippaannga. Aput sermerlu aporfissaanngitsutut isigilersippaat, arpaffissatulli allaanertut ittuusut paasitillugu.

Nunarsuup isuanut arpannermi killissat aalajangersimasuuginnarneq ajornerat ilikkarneqartarpoq. Killissat nikisinneqarsinnaapput – soorlu aput, anori annilaanganerlu aamma taamaalineqarsinnaasut.