Australiamiut suliffeqarfiutaat Eclipse Metals, Kujataani Ivittuuni Kangilinnguanilu aatsitassarsiornissamut akuersissutaateqartoq, ukiup nikinnerani sumiiffinni taakkunani marlunni annertuumik misissuillunilu qillerinermik naammassinnippoq.
– Pilersaarutigisimasaraluatsinnit kingusinnerulaartumik aallartippugut, taamaammallu oktobarimi novembarimilu issittumi sulisariaqarnikuuvugut, sulisulli kalaallit suliaminnik naammassinnilluarsimammata qillerisinnaasimallutalu, misissueqqissaarsinnaasimallutalu qillikkat nassiunneqarnissaannut piareersarluarsimavugut, Eclipse Metalsimi pisortaq Carl Popal oqarpoq.
Australiamiut suliffeqarfiutaat Eclipse Metals, Kujataani Ivittuuni Kangilinnguanilu aatsitassarsiornissamut akuersissutaateqartoq, ukiup nikinnerani sumiiffinni taakkunani marlunni annertuumik misissuillunilu qillerinermik naammassinnippoq.
– Pilersaarutigisimasaraluatsinnit kingusinnerulaartumik aallartippugut, taamaammallu oktobarimi novembarimilu issittumi sulisariaqarnikuuvugut, sulisulli kalaallit suliaminnik naammassinnilluarsimammata qillerisinnaasimallutalu, misissueqqissaarsinnaasimallutalu qillikkat nassiunneqarnissaannut piareersarluarsimavugut, Eclipse Metalsimi pisortaq Carl Popal oqarpoq.
Australiamiut aatsitassarsiornermik ingerlatsiviat Eclipse Metals ukiaq juullillu tungaanut Ivittuuni aamma Kangilinnguit eqqaanni qillerivoq. Qillikkat maanna laboratooriani Australiamiittuni misissoqqissaarneqassapput.
Assi: Eclipse Metals
Saffiugassat qaqutigoortut
Kalaallit Nunaanni suliniut ingerlatseqatigiiffiup Australiap avataani suliniutaani siullersaavoq, tassanimi Eclipse Metals aatsitassarsiornermik suliniutinik 19-inik, ilaatigut North West Territoriemi kanngussammik suliniummik ataatsimik uranimillu suliniutinik marlunnik, ingerlatsivoq.
Suliniuteqarfiusuni saviminermik zinkimillu ujaasisoqartoq aamma aatsitassat qaqutigoortut, kvartsit kryolitillu fluoridit ujarneqartut ingerlatseqatigiiffiup siusinnerusukkut nalunaarutigaa.
Ivittuunit Kangilinnguaniillu qillikkat kingulliit Australiamut qanittukkut tikiunnissaat naatsorsuutigineqarpoq, tassanilu laboratorianut nassiunneqarunik ujarassiuunit misissorneqassallutik, Carl Popal oqaluttuarpoq.
– Ivittuuni aatsitassanik suliffissuarni atorneqartartunik piiaanissamut periarfissat annertunerusut misissorpagut, oqaluttuarisaanermilu piiaaffiusimasumi aatsitassat qanoq amerlatiginersut kemiikkullu imminnut qanoq attuumassuteqarnersut uppernarsarneqarput. Kangilinnguani aatsitassat qaqutigoortut ujarassiornikkut paasisaqarfiginissaat pingaartinneruarput, aamma piiaaffinnik qanoq annertutigisunik peqarnersoq aammalu ataavartuunersut uppernarsarparput, piffissallu ingerlanerani piiaaffinnik nalilersuinissamut teknikkikkut paasissutissanik katersuiniarpugut. Aalajangernissarput sioqqullugu teknikkikkut tunngavissaqarluarniassagatta sumiiffinni taakkunani marlunni misiliutinik tigusineq siusissukkut pivoq, Carl Popal oqarpoq.
Eclipse Metalsimi pisortaq Carl Popal Qaqortumi suliffeqarfimmi 60 Northimi sulisut ilagalugit
Siunnersuisartoq Amerikamiu
Eclipse Metals Amerikamiut suliffeqarfiutaat BGR Group, USA-p naalakkersuisuinut aningaasaliisunullu attaveqarnerminik nukittorsaasoq, suleqatiginiarlugu 2025-mi novembarimi børsimi nalunaaruteqarpoq.
”BGR Groupimik suleqateqarneq nunarsuarmi politikkimut tunngatillugu Kalaallit Nunaanni pisuussutitta nukittorsarneqarnerannut pingaarutilittut alloriarneruvoq. Amerikami politikkimik ilusilersuinermi qaffasinnerpaamik suliaqarnermik misilittagaqarluarnerat Eclipse Metalsip Ivittuuni-Kangilinnguani suliniut kitaani aatsitassanik qaqutigoortunik pilersitsisartutut siuttuunissaanik anguniagaminik siuarsaaniarnerani naleqangaassaaq. Eclipse Metals naalagaaffiup tapersersuinera aamma piginneqataasunut piffissaq ungasinnerusoq eqqarsaatigalugu naleqarnerulernissaq eqqarsaatigalugu ujarassiuutitigut nassaatitsinnik pilersitsiniarluni USA-mi Europamilu ingerlalluarnikkut maanna aatsaat taama pitsaatigisumik inissisimavoq,” Carl Popal børsimi nalunaarummi oqarpoq.
