Takunnittut pingasut ataasinngornermi ualikkut Sermersuup Eqqartuussiviani angummut 27-nik ukiulimmut, Ittoqqortoormiini angummik 39-nik ukiulimmik toqutsisimasutut unnerluutigineqartumut, suliami nassuiaapput.
Takunnittut ilagaat unnerluutigineqartup nukaa, video atorlugu attaveqaatikkut Ittoqqortoormiiniit peqataasoq. Taannalu aggustip 30-anni unnuakkut toqutsisoqarsimaneranut ilisimasaminik oqaluttuarpoq.
Takunnittut pingasut ataasinngornermi ualikkut Sermersuup Eqqartuussiviani angummut 27-nik ukiulimmut, Ittoqqortoormiini angummik 39-nik ukiulimmik toqutsisimasutut unnerluutigineqartumut, suliami nassuiaapput.
Takunnittut ilagaat unnerluutigineqartup nukaa, video atorlugu attaveqaatikkut Ittoqqortoormiiniit peqataasoq. Taannalu aggustip 30-anni unnuakkut toqutsisoqarsimaneranut ilisimasaminik oqaluttuarpoq.
Eqqartuunneqartup nukaa unnuk taanna ikinngutini ilagisinnarlugit
ataataminut innariartussalluni angerlarpoq. Innareersimalersoq
angajuata, unnerluutigineqartup, matu kasuttorfigaa.
- Oqarpoq toqutsisimalluni, takunnissimasoq eqqartuussivimmi oqarpoq.
Unnerluussisussaatitaasup Lars Petersenip aperimmani toqungasoq qanoq ateqarnersoq, takunnissimasup uppernarsarpaa toqungasup taanna aterigaa.
Tujuuluaraq qaqortoq aagasattoq
Paasiniaanerup nalaani politiit eqqartuunneqartup nukaata ineera
misissorpaat, tassanilu tujuuluaraq qaqortoq toqusimasup aavanik
aagasattoq nassaaralugu. Unnerluussisussaatitaasoq naapertorlugu taanna
unnerluutigineqartup tujuuluararivaa.
Takunnissimasoq oqarpoq nalullugu kia tujuuluaraq pigineraa, namminerli
piginagu, atisaminik tammaasaqannginnami.
Unnerluugineqartup nukaa nassuiaatillugu, unnerluutigineqartoq
nakangalluni issiavoq nerrivik kisiat isigalugu.
”Taanna toqoreerpara”
Takunnissimasoq kingulleq Ittoqqortoormiiniit videokkut toqqaannartumik attavitsigut nassuiaateqarpoq. Taassuma unnerluutigineqartoq ukiorpassuarni
ilisarisimalluarpaa. Aggustip 30-ata unnuaani ikinngutimini fiisterpoq,
tassanilu unnerluutigineqartoq takkuppoq.
Angut 27-nik ukiulik kamangaarluni takkuppoq,
qiimmassarniarsimagaluarpaa iluatsinngitsumilli. Taanna naapertorlugu
angut 27-nik ukiulik kamangaarluni takkuppoq,
qiimmassarniaraluarlugulu anitsaalioraluarpaa iluatsinngitsumilli.
Unnuaq taanna unnerluutigineqartoq naapeqqippaa. Oqarumasimanngilarli sumiissimanerminik.
Kamaatilersimapput unnerluunneqartorlu ima oqarsimavoq: “Toqoreerpara, naammalerpoq.”
Arnap ikinngutaasup upperisimanngilaa, toqutsisimaninili uteqattaarsimavaa.
Takunnissimasoq oqaluttuarpoq angut 27-nik ukiulik qaqortumik tujuuluaraqartoq. Tujuuluararlu aattaqarlunilu alinneqartoq. Takunnissimasoq naapertorlugu unnerluutigineqartoq ataataminut unnuk taanna angerlarpoq.
Ullumikkut marlunngornermi uppernarsaatit saqqummiunneqannginneranni takunnissimasoq kingulleq nassuiaassaaq.
