Angalasoq kokainimik tigummiartoq paasineqartoq

Timmisartumut ilaasut ilaat kokainimik tigummiaqartoq, Nuup mittarfianiit Kalaallit Nunaanni Politiit sapaammi nal. 11.43 nalunaarfigineqarput.

Tamanna pigaartut pisortaata Jørgen Madsenip Sermitsiamut oqaluttuaraa.

Ilaasut Danmarkimiit tikeqqammersut misissorneqarnerata kingorna ilanngaaserisut nassaarnertik nalunaarutigaat.

Kokain 200 grammit missaat tiguneqartut, Jørgen Madsen oqaluttuarpoq.

Ilaasoq tigusarineqarpoq eqqartuussivimmilu tigummigallarneqarnissaa pillugu ataasinngornermi killisiorneqassaaq.

Misissuisoqarnera pissutigalugu maanna pisoq pillugu annerusumik oqaaseqarsinnaanani, pigaartut naalagaat oqarpoq.