KL

DK

Eqqartuussissuserisoq spiralinillu misissuineq pillugu nalunaarusiamik allaaserinninnermut peqataasoq Naalakkersuisunut Folketingimullu kajumissaaruteqarpoq

Spiralilersuineq pillugu immikkut ilisimasallit nalunaarusiaat Naalakkersuisut tamanut saqqummiuttariaqarpaat, taamaalilluni eqqugaasut pillugit folketingimi politikkerit suliaqalerpata paasissutissanik ilisimasaqarnerulernissaat anguneqassaaq. Taamatut oqarpoq eqqartuussissuserisoq Jonas Christoffersen, nalunaarusianik allaaserinnittut ilaat, ilaatigut spiralilersuineq inuiannik toqoraanerusimanersoq qulaajassallugu suliamik ingerlataqarsimasoq, Berlingskemut oqarpoq.

»Isumaqarpunga Naalakkersuisut nalunaarusiat tamanut saqqummiuttariaqaraat, nalunaarusiat saqqummiunneqaqqaartinnagit Folketingip inatsisissatut siunnersuut suliarissanngikkaa isumaqarpunga,«Jonas Christoffersen Berlingskemut oqarpoq.
Thomas Munk Veirum Tusagassiortoq
Saqqummersinneqarpoq

Spiralilersuisarneq pillugu immikkut ilisimasallit nalunaarusiaannik sivitsortumik utaqqineqartunik alaaserinnittut ilaat maanna oqaaseqarpoq, nalunaarusiallu qaqugu saqqummiunneqassanersut oqallisigineqarneranut akuliuppoq.

Eqqartuussissuserisoq Jonas Christoffersen Berlingskemut oqarpoq nalunaarusiat tamanut saqqummiunneqartariaqartut Danmarkimi Folketingimi ilaasortanit taakkua imarisaat ilisimaneqalersinnaanerussammata:

»Isumaqarpunga Naalakkersuisut nalunaarusiat tamanut saqqummiuttariaqaraat, nalunaarusiat saqqummiunneqaqqaartinnagit Folketingip inatsisissatut siunnersuut suliarissanngikkaa isumaqarpunga,«Jonas Christoffersen Berlingskemut oqarpoq.

Niviarsiaqqat arnallu 4.500-t missaanniittut, ilarpassui akuersitinneqaqqaaratik spiralimik ikkussuiffigineqarsimanerannut atatillugu inuiaqatigiinnik toqoraanertut aamma inuit pisinnaatitaaffiinik unioqqutitsinerunersoq, nalunaarusiani ilaatigut nalilerneqassaaq.

Suleqatigiisitami sisamanik immikkut ilisimasalinnit ilaasortaaffigineqartumi marlunnut avillutik suliaqarsimanerat pissutaalluni, suliaq pillugu nalunaarusiat marluk tigusimallugit, Naalakkersuisut marsimi nalunaarput .

Nalunaarusiat aggustip naanerani tamanut saqqummiunneqartussaapput, Berlingske-li naapertorlugu naatsorsuutigineqarpoq Danmarkimi Folketingimi arnat spiralilersorneqarnikut taarsiiffigineqarnissaat pillugu aggustip 27-ani inaarutaasumik taasisoqarumaartoq.

jonas christoffersen spiralilersuineq folketingi inuiaqatigiit naalakkersuisut inuit pisinnaatitaaffii

Atorfiit tamaasa takukkit

PODCASTI

Powered by Labrador CMS