Weekendimi pisoqarfioqisumi qasuersaarfik

Frimærkip nutaap saqqummertup sinneqartoorutai Tasiilami ornittakkamut Amarngivamut tunniunneqassapput.

Camilla Nymand Petersenip frimærkiliaa siulleq aggustip aqqaneq-aappaanni saqqummissaaq.

Assi: Tusass

Kurt Kristensen Kurt Kristensen Tusagassiortoq

Saqqummersinneqarpoq 12. Aggusti 2026 - 11:49

Allakkeriviup frimærkinik suliaqarfia 1989-imiit 2024-mut Tasiilamiippoq, ukiunilu 35-ni nunarsuaq tamakkerlugu katersuisartunut allakkat puui kalaallit frimærkiliaannik imallit “3913 Tasiilaq”-mik naqinneqarnikut nassiussuunneqartarput.

Frimærkinik suliaqarfik Sisimiunut siorna nuunneqarpoq, allakkerivimmiilli immiikkortortaqarfiunikoq puigorneqarsimanngilaq. Frimærki nutaaq pingasunngornermi aggustip aqqaneq-aappaanni saqqummissaaq, tassanilu tapiliussaq 1 koruuni Tasiilami ornittakkamut Amarngivamut tapersersuinermut atorneqassaaq.

Kattuffik Red Barnet aamma Peqatigiiffik Kalaallit Meerartaat 1992-imi ornittakkamik pilersitsipput, kingornalu illu Kommuneqarfik Sermersuumut tunniunneqarpoq. Mikip Aqqulaaniittoq illu sungaartoq assigiinngitsunut maanna atorneqartarpoq. Qaammartsaavimi ilaqutariinnut siunnersuisartut ulluunerani suliffigaat; weekendi allortarlugu qaammammusinerullu nalaani meeqqanut inuusuttunullu ornittakkatut atorneqartarluni.

Ussassaarut

– Amarngivat meeqqat inuusuttullu toqqissisimaffigalugu ornittagaraat, tasaani nerisoqarsinnaavoq inersimasumik ilalersorneqarlutillu oqaloqateqarsinnaallutik, immikkoortortaqarfimmi pisortaq Gerda Fleischer oqarpoq.

Meeqqat ornittakkami unnuisinnaapput, ammaneranilu ulloq unnuarlu sulisoqartarluni. Tasiilami isumaginninnermi nakkutilliisut meeqqanik angerlarsimaffiup avataanut inissiinissamik pisariaqartitsisut Amarngivamukaassisinnaapput, meeqqallu angajoqqaavisa isumaginissaannut piareernissaasa tungaanut tassaniitsinneqarsinnaallutik.

Frimærki nutaamiit sinneqartoorutit Amarngivamut tunniunneqassapput.

Nanoq piaqqaminut isumassuisoq

Tunumiusut oqaaseq amarngivat isumaqarpoq, arnaq utoqqasaaq meeqqanik isumassuilluarnissaq pillugu nuannersunik siunnersuuteqartartoq.

Nanoq arnaviaq piaqqaminik isumassuisoq frimærkiliarineqartoq Camilla Nymand Petersenip qalipagaraa. Taanna Nuummi 1980-imi inunngorpoq, qalipaanermik imminut ilinniartinnikuuvoq tarnillu pissusaanik ilisimasalittut ilinniagaqarluni.

Camilla Nymand Petersen perngaammik frimærkimik saqqummersitsivoq, qarlipakkaminillu Nuummi arlaleriarluni saqqummersitsisarnikuulluni, ilaatigut Katersugaasimmi Nuutoqqami.

Frimærki 26,00 koruuneqarpoq. Allakkat 20 gram ataallugit oqimaassusillit Kalaallit Nunaanni timmisartukkut nassiussat 25 koruuninik akeqarput.

Koruuni ataaseq ornittakkamut Amarngivamut tussaaq.

2023-mi aggustimi frimærkimiit saqqummersinneqartumiit 1,00 koruuni Københavnimi Kalaallit Napparsimasut Angerlarsimaffiannut tunniunneqarpoq. 2025-mi decembarimi tunisat naatsorsorneqarput, napparsimasullu angerlarsimaffiat kalaallinut Danmarkimi peqqinnissaqarfimmi katsorsarneqartunut sullissinertik pissutigalugu 75.000 koruuninik tunissuteqarfigineqarluni.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.