Ingerlatseqatigiiffiit siulersuisuisa aningaasarsiaat amerleriangaatsiartut

Namminersorlutik Oqartussat ingerlatseqatigiiffiutaanni 13-ini siulersuisut amerlanerpaartaasa akissarsiaat aasaq manna juunip aallaqqaataannit amerlipput. Tamanna inatsisit nalunaarutillu pillugit toqqorsivimmi, nalunaarutit.gl-imi takuneqarsinnaavoq.

Naalakkersuisut Siulittaasuat, Jens Frederik Nielsen (D), Namminersorlutik Oqartussat ingerlatseqatigiiffiutaannut politikkikkut akisussaasuuvoq. Taanna aamma ingerlatseqatigiiffiit siulersuisuisa amerlanerpaat aningaasarsiaqarnerulernissaat atuuttunngorlugu kaajallaasitamik atuutilersitsisuuvoq.

Sermitsiap siulersuisut sooq akissarsiaqarnerulernerat pillugu Naalakkersuisut Siulittaasuat arlaleriarlugu apersorumallugu attaveqarfigisarpaa, maannamulli suli iluatsinngilaq.

Namminersorlutik Oqartussat ingerlatseqatigiiffiutaanni siulersuisut ukioq manna juunip aallaqqaataanit aningaasarsiariligaat, ukiumoortut, ataani assimi takuneqarsinnaapput. Siulersuisup, siulittaasup tulliata ilaasortallu ukiumut akissarsiaat sanileriillutik allaqqapput.

 Ingerlatseqatigiiffiit siulersuisuinut akissaatit juunip aallaqqaataanni atuutsinneqarunaartut aajukua:

Assini takussutissani taakkunani marlunni maluginiagassat ilaat tassaavoq Greenland Airports-ip siulersuisuini siulittaasup akissarsiai ikilisutuaasut. Ingerlatseqatigiiffinni tamani siulersuisunut ilaasortat sinnerisa akissarsiaat tamarmik amerlanerulerput.  

Sikuki Nuuk Harbourimi Illuut A/S-imilu siulersuisut siulittaasuisa akissarsiaat ataatsimut isigalugu amerleriarnerpaapput. Ingerlatseqatigiiffinnimi taakkunani siulersuisut siulittaasui 152,5 procentimik aningaasarsiaqarnerulerput.