Inuit marluk aporneqartut napparsimmavimmut unitsinneqartut

Aqqusinermi angallannermi pingasunngornermi unnukkut nalunaaqutaq 22.00-p aamma 23.00-p akornanni ajutoortoqarnera Kalaallit Nunaanni Politiinut nalunaarutigineqarpoq.

Sisimiuni inuit marluk ATV-mik aporneqarput.

- Inuit taakku marluk sisamanngornermi unnukkut ajoqusersimasut nakorsiartarfiannukaanneqarput maannalu napparsimmavimmi uninngallutik. Qanoq ajoqusersimanersut paasissutissiissutigisinnaanngilarput, Kalaallit Nunaanni Politiineersoq Aputsiaq Hansen oqarpoq.

ATV-mik aquttoq ilaasorlu kinaassusersineqarsimasut politiinillu ujaarineqartut Aputsiaq Hansenip aamma oqaatigaa.

- Pineqartut marluk 18-it inorlugit ukioqarput, taakkulu killisiorneqarput angajoqqaavilu taakkununngaluunniit akisussaasuusut ilisimatinneqarlutik, pigaartut pisortaat oqarpoq.