Kommunip naatsorsuutai akuerineqartut - missingersuutaasumit sinneqartoornikinnerusoq

Avannaata Kommuniani qinikkat naatsorsuutit 2025-moortut akueraat. Naatsorsuutit missingersuutaasumit ajornerusumik inerneqarput. 

Avannaata Kommuniani borgmesterip, Lars Erik Gabrielsenip (S) kommunimilu qinikkat sinnerisa, naatsorsuutit 2025-moortut akueraat.
Saqqummersinneqarpoq

Avannaata Kommuniani qinikkat kommunip 2025-mut naatsorsuutaanik sisamanngornermi ataatsimiinnerminni akuersipput. Kalaallit Nunaanni kommunit avannarlersaat 7.2 millionit koruuninik sinneqartoorpoq. Tamanna kommunalbestyrelsimi qinikkat tamarmik akueraat. 

Borgmesteri, Lars Erik Gabrielsen (S), ukiumoortumik nalunaarutip oqallisigineqarnerani aallaqqaasiilluni oqaaseqarpoq. Taassuma kommunip aningaasarissaarnera oqariartuutigaa.

Avannaata Kommuniani qinikkat kommunip 2025-mut naatsorsuutaanik sisamanngornermi ataatsimiinnerminni akuersipput. Kalaallit Nunaanni kommunit avannarlersaat 7.2 millionit koruuninik sinneqartoorpoq. Tamanna kommunalbestyrelsimi qinikkat tamarmik akueraat. 

Borgmesteri, Lars Erik Gabrielsen (S), ukiumoortumik nalunaarutip oqallisigineqarnerani aallaqqaasiilluni oqaaseqarpoq. Taassuma kommunip aningaasarissaarnera oqariartuutigaa.

- Kisitsisit misissorussigit kommunerput ajunngitsorujussuuvoq, pitsassuuvoq, taanna oqarpoq.

Kommunimi 2024-imi qinikkat 2025-mut missingersuusioramik kommuni 2025-imi 56 millionit koruuninik sinneqartoortussatut ilimagigaluarpaat. Tamannali anguniagaq 49 millionit koruuninik ajornerusumik inerneqarpoq.

Kommunip angusaanut borgmesterip naammagisimaarinninnera illuatungiliuttut tamakkiisumik isumaqatiginngikkaat, Heidi Møller (D) oqarpoq.

- Uagut illuatungiliuttuninngaanniit tassunga isumaqataaqqissaanngilagut, taanna oqarpoq.

Taassuma soorlu eqqartuussissuserisunut kommunip aningaasartuutai, millioninik kisitsisitallit, sumorpiaq atorneqarsimanersut paaserusuppai. Taakkua misissuititsinernut, soorlu kommunalbestyrelsip aalajangiinerinut, atorneqarsimasut, kommunimi pisortaaneq, Nick Nielsen nassuiaavoq.

Isertitat milliardit sinneqartut

Kommunip isertitai, annermik ataatsimoortumik tapiissutineerlutillu akileraarutinit isertitaasut, 1.2 milliardit koruuniupput. 

Kommuni allaffissornikkut ingerlatsinermini 146 millionit koruuninik sinneqartoorpoq. Sanaartukkanut aningaasat 142 millionit koruunit atorpai. Kommunip aningaasanik aqutsinera suleqatigiit borgmesteriutitaqartut, tassa Siumut Naleqqallu, oqaaseqartuata, Knud Kristiansenip (S), iluarisimaarpaa.

- Takusinnaavarput 2025-imi aningaasatigut ingerlaneq ataatsimut isigalugu pitsaasumik suliarineqarsimasoq. Karsip imaasa patajaatsuunerat uatsinnut suleqatigiinnut toqqissisimanarpoq. 

Kommuni 2025-ip naanerani 151 millionit koruuninik akiliisinnaassuseqartoq, qinikkat akueraat.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS