Mia Duelund
Schmidtip , Nuuk Ugeavisimik isumaginnittuusartup, Nuuk Ugeaviisi kingullerpaaq
suliareqqammerpaa. Taanna aamma Ugeaviisi ukiup naanerani unissapput.
Tusagassiivimmi Sermitsiami arlaqarpugut, ukiuni 37-ni sulinerani
arlaleriarlutik suleqatiginnittarsimasut, suleqateqarpugulli ataasiinnarmik
tassumannga ukiuni arlaqanngitsuni sivisunerusumik sulisimasumik. Arnamut taama
tunniusimatigisumut qujaniarnissaq ajornakusoortuuvoq, ingammik qitiusutut
inissisimarusunngitsumut, taamaakkaluartoq suleqatiminuinnaq katersortitsinissamut
akuersisimalluni. Oqalugiarfigineqarnissani avaqqussinnaanngilaa. Siullertut
oqaaseqartuuvoq pisortaq Masaana Egede.
Mia Duelund
Schmidtip , Nuuk Ugeavisimik isumaginnittuusartup, Nuuk Ugeaviisi kingullerpaaq
suliareqqammerpaa. Taanna aamma Ugeaviisi ukiup naanerani unissapput.
Tusagassiivimmi Sermitsiami arlaqarpugut, ukiuni 37-ni sulinerani
arlaleriarlutik suleqatiginnittarsimasut, suleqateqarpugulli ataasiinnarmik
tassumannga ukiuni arlaqanngitsuni sivisunerusumik sulisimasumik. Arnamut taama
tunniusimatigisumut qujaniarnissaq ajornakusoortuuvoq, ingammik qitiusutut
inissisimarusunngitsumut, taamaakkaluartoq suleqatiminuinnaq katersortitsinissamut
akuersisimalluni. Oqalugiarfigineqarnissani avaqqussinnaanngilaa. Siullertut
oqaaseqartuuvoq pisortaq Masaana Egede.
- Nammineerlunga
Ugeaviisinik agguaassisartuunikuuvunga. Nukappiaraallunga siullerpaamik
suliffigaara, illoqarfimmi maani inuit amerlasuut taamatut
suliffeqarsimapput. Ukiuni 37-ni
sulininni meeqqat maanna inersimasunngortut amerlanersaat
attaveqarfigisimavatit. Ilarpassui maanna issiaqatigaavut, pisortaq ilaatigut
taama oqarpoq.
Aamma oqaatigaa
Nuuk Ugeavis tusagassiornerup ataavartuunissaanut iluaqutaasimasoq.
- Taamaalillutit
aamma illit inuiaat naalakkersueqataanerannut sunniuteqaqataasimavutit,
oqarpoq.
Tamatuma kingorna
Miap ningiua, Linda Rachlitz oqaaseqarpoq.
- Ukiut 37-t.
Aappariit ilaasa aappariittarnerannit tamanna sivisuneruvoq. Ukiuni 20-ni
suleqatigiippugut, tamatigullu suliartortarputit. Ullut tamaasa
silarlukkaluaraangalluunniit suliartortarputit. Napparsimanngisaannarnerit
tamatta usorisinnaavarput. Suliartortuaannarputit suliassatillu tamaasa
suliarisarlugit. Suliassat suliarineqarnissaat isumakuluutigisussanngilarput, nalunnginnatsigu suliassat
naammassineqarumaartut. Takkuttartut sullinneqartussat isumagisarpatit,
suleqatinnillu ataatsimoortitsisarlutit. Maqaasissaqaatsigit. Qujanaq Mia, Linda oqarpoq, taassuma
oqalugiarnermini qullini nunusinnaannginnamigit qullilivoq.
Mia Duelund Schmidt 28-nik ukioqarluni Nuuk Ugeavisimi sulilerpoq.
Assi: Nammineq pigisaq
Tupaallannanngitsumik
Mia aamma misigissutsimigut attortisimaarpoq, nuanniilliorunnaarsillutalu illartippaatigut ima oqarami:
- Ulloq manna
aliasuffissaanngilaq.
Mia
tunissuteqarfigineqarpoq, ammannginnerinili oqalugiaateqalaarluni.
-
Maqaasilluinnartussaavassi. Ukiuni taakkunani uannut pingaaruteqarsimaqaasi.
Soraartussanngornera upperiuminaatsippaara. Suli paasilluanngilara, Mia ernini
Felix Duelund Schmidt sanimini issiasoq oqarpoq.
- Ugeaviisip
suliarisarnera nuannarisorujussuugakku, ilaatigut suliamut tamatumunnga
kiffaanngissuseqarlunga suliarisarakku. Taamaattumik taama sivisutigisumik
suliffigaara. Nuannersunik suleqateqarnera aamma patsisaavoq.
- Ukiut 37-t
ingerlapallaqigamik, oqarpoq.
Suleqaterput Repse
Høegh-Larsen, kisiartaalluni Miamit sivisunerusumik sulisimasoq, sulisut
peqatigiiffiat sinnerlugu tunissuteqarpoq.
Tunissut naatsumik
oqalugiarluni tunniunneqarpoq, tassanilu Ugeaviisip ukiuni 37-ni Miamit
ineriartortinneqarsimanerata ingerlateqqinneqarsimaneratalu pingaaruteqassusiat
eqqartorlugit.
- Qujanarujussuaq
sulilluarninnut. Suliffiup matuma ullumikkut ataannarsinnaaneranut peqataalluarsimaqaatit. Ilittut ittumik
suleqateqarsimanngikkaluarutta qangali matoreersimassagaluarpoq. Tamanna
qularutissaanngilaq!
