Naaja Nathanielsenip oqaloqatigiinnerit pingaaruteqartut pillugit qinigassanngortippoq

Inuussutissarsiornermut, aatsitassanut, nukissiutinut, inatsisit atuutsinneqarnerannut naligiissitaanermullu naalakkersuisup Naaja Nathanielsenip Aaja Chemnitz Folketingimi IA sinnerlugu qinikkatut paarlannissaanut piareersimavoq.

Nathanielsenip folketingimi ilaasortatut qanoq inissisimalernissaa pillugu Sermitsiamit oqaloqatigineqarpoq. Aamma politikkikkut eqqissiviilliornermut atatillugu apeqqutit ilaat pillugit, taakkuali kingorna sammineqassapput.

- Anguniakkavut annertuut danskinik aalajagiisartunit aalajagerneqartartut ukiuni aggersuni ingerlateqqinnissaat pillugir qineqqusaarpunga, Naaja Nathanielsen oqarpoq.

- Ukiuni qulikkuutaani aatsaat taama allannguisoqartigisussaavoq, allannguinerillu taakku uanga peqataaffigilluarusuppakka, oqarpoq.

Siullermik IA-p qineqqusaarutaa qimerluulaaqqaartigu. Kalaallit Nunaata siunissami tunngaviata ilusilersornissaa aallartissutaavoq, atugarissaarneq politikkimiit pingaarnerutinneqassaaq aningaasaqarnerlu misileraataanani nukittorsarneqassalluni.

IA Danmarkimi peqqinnissaqarfimmi katsorsarneqarsinnaaneq pillugu aalajangersimasumik isumaqatigiissuteqarusuppoq.

Taakku akerlerineqarpllaarunnanngillat, ilaa Naaja?

- Taamatut nalunaaruteqanermi atuartussat amerlanersaat isumaqataanngitsinnaveersaarneqartussaaput, Naaja Nathanielsen oqarpoq.

Tamanna Folketingimut sinniisunik qinersinerup Inatsisartunullu qinersinerup, akerleriinnernik annertunerusunik kinguneqarsinnaasup, assigiinngissutaannut ersiutaalluarpoq, oqarpoq.

- Folketingimut ilaasortaagaanni Kalaallit Nunaat tamakkerlugu Danmarkimut sinniisuuneq aallartipallattarpoq, taamaattumik suliassaq assigiinngitsorpassuarnik imaqartarpoq. Taamaattumik folketingemut qinersineq X-faktorimut assersuunneqarsinnaavoq, kina pitsaanerpaamik sinniisuusinnaava?

Trumpip ersersitsivoq

Qineqqusaartut arlallit inatsisinut politikki pillugu Sermitsiami apersorneqarnerminni oqaaseqarput. Sammisaq pingaarutilik Naaja Nathanielsenimit maannakkut Naalakkersuisuuffigisaanut tunngavoq.

Kinali inatsisinik atuutsitsinermut sunniuteqarnerusinnaava — Naaja Nathanielsen Naalakkersuisutut imaluunniit Naaja Nathanielsen folketingimut ilaasortatut?

- Arlaannaalluunniit sunniuteqarsinnaanngilaq.

Qanoq?

- Maanna atorfinni eqqartuussiveqarnermut 850 millionit koruunit isumaqatiginninniutigisimavakka. Pitsanngorsaat annertooq, akuerineqarsinnaanerusumik inissinneq.

- Uanga Folketingimiluunniit ilaasortat aalajangiisuunngillat, Trumpilli Kalaallit Nunaat soqutigilermagu suliat ukiorpassuarni uninngasut aallarteqqinneqarput.

- Tassa taanna pineqartoq. Isumaqatigiissut nuannaarutigaara. Pakatsissutigaarali avataaniit sioorasaarisoqaqqaartoqartariaqarnerat. Tamannalu pissutigalugu Folketingimut ilaasortatut qinigaassaguma, tamanna pillugu oqaloqatigiinnerit aallartinniarpakka.

Tamanna qanoq paasisariaqarpa?

- Pissutsit pitsaanerulernissaat kissaatigaara, arlaannut 10 millioninik aningaasaliiginnarata.

Tassa siunertanut assigiinngitsunut aningaasaaterpassuarnik pilersitsinissaq pinnagu, aaqqissuussinerit pitsanngorsarniarnerussavatit?

AAMMA ATUARUK

Qarsoq Høegh-Dam: Ilaannakuusumik naapertuilluarneq naammanngilaq

- Aap, naatsumik oqaatigalugu aningaasaleerusussuseqarnerusariaqarpugut. Maannakkut qallunaat tungaanniit ukiualuit matuma siorna siulliullugit sammineqarsimanngisanik pingaarnersiuinissaq kissaatigineqarpoq. Immaqa aamma Kalaallit Nunaanni alapernaannerulerneq.

- Nunarsuaq allanngorpoq, allannguutillu taakkua ataatsimoorluta iliuuseqarfigisariaqarpavut. Siunissami kunngeqarfik piuinnassappat aaqqissuussaanerup oqaloqatigiissutigisariaqarneranik isumaqarpoq, Naja Nathanielsen oqarpoq.

Pisuussutigisutut inissinnianngitsoq

Folketingimut qinersineq oqaluuseriniarlutigu aggerpugut. Taamaattorli soorlu folketingimut qinersineq nunatsinnilu politikki piffissami matumani imminnut ilarussimasut.

Taamaattumik naggataatigut maannakkut pissutsit pillugit apeqquteqarusuppugut. Naaja Nathanielsen (IA) aamma Anna Wangenheim (D) Naalakkersuisutut atuuffeqartillutik qineqqusaarnerat Siumut Naalakkersuisoqatigiinniit aninerat saapparput.

Qinigassanngortinnerit naalakkersuisooqatigiinni qanoq eqqissiviilliortitsigissasoq ilisimareersimasuugukku allatut iliorsimassagaluarpit?

- Siumup taamatut isummernera ajuusaarutigaara, isumaqarpungami kukkusumik aalajangiisoqarsimasoq. Tamannali uanga pisuussutigineratut inissiffigissanngilara. Tamat oqartussaaqataaneranni inatsisillu malillugu Folketingimut qinigassanngortissinnaavunga. Politikkikkullu isornartorsiuisoqassappat politikkikkut tunngavissaqarluartumik pisariaqarpoq, allallu pisinnaatitaaffiinik killilersuineq pineqanngisaannartariaqarluni.

- Taamaammat naamik. Allatut iliuuseqarsimassanngikkaluarpunga, Naaja Nathanielsen oqarpoq.