Naleraq Naalakkersuisunut tamanut tatiginnikkunnaartoq - Naalakkersuisooqatigiit pinngitsoortitsisut

Naleraq nunatta karsiata naatsorsuutaasa 2025-moortut sisamanngornermi oqaluuserineqarnerini Naalakkersuisunut tamakkiisunut tatiginnginnermik nalunaaruteqarpoq.

Naalkkersuisooqatigiit IA, Siumut Atassullu kiisalu attaviitsoq ataaseq Naalakkersuisunik suli tatiginnillutik ataatsimiinneq unitsikkallarneqareersoq nalunaarput.

Taamaalilluni tatiginnikkunnaarneq pinngitsoortinneqarpoq. 

Kommunit akileraarutit pisinnaasatik pissallugit tatigisinnaasariaqaraat tatiginnikkunnaarnermik nalunaarummi allassimavoq. 

"Kommunini tamani akileraarutit 2016-imit 2025-moortut misissorneqarneranni naatsorsuinerit kukkuneqarput. Annertussutsit ataasiakkaat kukkusumik siulequtserlugit naatsorsorneqarsimapput, isertitallu pillugit akileraartarnermik aaqqissueqqinnermi sunniutissat naatsorsuutigineqartut siusippallaamik naatsorsorneqarput. Kukkunersiuinermut ataatsimiititaliap kukkunerit ukiuni arlalinni naqqinneqarsimannginnerat naammaginngilaat," akkassimavoq. 

Nalqqattaaq KNQK-p 2025-mi tapiissutisiamik ilaat missingersuutini akuerisani siunertarineqartunit allanut atorsimagaat Naalakkersuisut nalusimanngikkaat erseqqissarpaa. Naalakkersuisut aningaasat taakku uterteqqullugit kingorna aalajangerput. 

"Naalakkersuisut pisortat aningaasaataasa piffissaatillugu nakkutigineqartarnissaat qulakkiissallugu akisussaaffeqarput. Suliat taakku marluk tunngavigalugit Naalakkersuisut akisussaaffimmik tamatuminnga eqquutsitsinersut Naleqqamit tatigiunnaarparput."

Naalakkersuisooqatigiit pinngitsoortitsisut

Naalakkersuisooqatigiit IA, Siumut, Atassut attaviitsorlu ataaseq Naalakkersuisunik suli tatiginnllutik ataatsimiinneq unitsikkallarneqareersoq nalunaaruteqarput.

Tatiginnikkunnaarneq suli taasissutigineqassaaq.

Nutarterneqassaaq.