Politiit ujajaanermut saassussinermullu atatillugu takunnittunik ujartuisut

Nuummi H.J. Rinksvejimi blok 8-p aamma 9-p akornanni ujajaasoqartoq Kalaallit Nunaanni Politiit ataasinngornermi nal. 13.59 nalunaarfigineqarput.

Politiit naapertorlugit angut 24-nik ukiulik inuusuttunit arlalinnit orninneqarpoq.

Inuusuttut angutip 24-nik ukiullip aningaasivini nalillillu allat tunniutissagai piumasaraat, tamatumalu kingorna isimmittarlugulu tilluarlugu saassuppaat.

– Politiit inuit, ujajaasimasut, ujartorpaat, ilisimannittunillu, pisumut atatillugu takusaqarsimasunik imaluunniit tusaasaqarsimasunik, tusagaqarusupput, Kalaallit Nunaanni Politiit Facebookimi allapput.

Politiit immikkut ittumik nal. 13.59 eqqaanni immikkoortumiissimasut attaveqarfiginissaat kissaatigaat, taakku pinerluttunik kinaassusersiuinermut ikiuussinnaappata.

Kalaallit Nunaanni Politiit oqarasuaatikkut 70 14 48-kkut attavigineqarsinnaapput.