Suliaqarfik aalajangersimasoq sammineqaleraangat, sulisut ilinniarsimasut aalajangersimasumik sulisorineqartussat amigaataanerat paasissutissiissutigineqarajuttarpoq.
Ombudsmandip ukiumoortumik Inatsisartunut nalunaarusiaani aamma taamatut ernumassuteqarneq oqaatigineqarpoq.
Suliaqarfik aalajangersimasoq sammineqaleraangat, sulisut ilinniarsimasut aalajangersimasumik sulisorineqartussat amigaataanerat paasissutissiissutigineqarajuttarpoq.
Ombudsmandip ukiumoortumik Inatsisartunut nalunaarusiaani aamma taamatut ernumassuteqarneq oqaatigineqarpoq.
Sulisut ulapippallaarput suliassallu amerlavallaartut naammassiniartarlugit, suliassalli amerliartuinnarlutik.
- Isumaginninnikkut inatsisilerinermi piffissaq suliap suliarineqarneranut atorneqartartoq ajornartorsiutaavoq ersarissoq. Suliat puigorneqartarput, sivitsorsarneqartarlutik naammassinngitsoorneqarajuppallaarlutillu. Suliani suliarisanni kommuninit oqaaseqaasiornermi, piffissaq suliap suliarineqarneranut atorneqartartoq pillugu utoqqatsissutigineqarajuttarpoq sammisani suliaqarsinnaasunik sulisussaaleqisarneq, Ombudsmandi Gedion Jeremiassen nalunaarusiamini taama allappoq.
Gedion Jeremiassen Inatsisartunit nakkutilliisuutitatut atuuffeqarpoq, tassanngalu nakkutigineqartussaalluni allaffissornikkut ingerlatsineq inatsisit naapertorlugit ingerlatsinermilu malitassat allassimanngitsut naapertorlugit ingerlanneqarnersoq. Nakkutilliisuutitaasup najukkani ingerlatsiviit tatineqartorujussuunerat arajutsisimanngilaa.
- Paasivara kommunini sulisussarsiorneq, piginnaanngorsaaneq sulisunillu tigummiinnaaneq unamminiarnartoq, allappoq, tamatumalu saniatigut kommunit kajumissaarlugit sulianik ingerlatsineq pitsanngorsarniarlugu allattuinernik amerlanerusunik atuisariaqartut:
- Allattuinerit amerlanerugaluartut ilimagisinnaavara suliat ikinnerujussuit puiorneqassasut unitsinneqarlutilluunniit, ombudsmandi oqarpoq. Nalunaarusiani Inatsisartuni nalunaaquttap akunnera ataaseq oqallisigineqarpoq.
- Kommunit nalinginnaasumik sulisussanik pissarsiortarnikkut, piginnaasanik inerisaanikkut aamma sulisut tigummiinnarnissaannik ajornakusoortitsisarnerat ilungersunartorujussuummat paasisinnaavara, allappoq tamatumunngalu atatillugu kommunit kajumissaarlugit allattuinerusarnermikkut sullissinerminnik pitsaanerulersitsisinnaammata:
- Allattuinernik annertunerusumik suliaqartoqartaraluarpat, siulittuutigerusussinnaavara suliat puigorneqartartut unittoortartullu ikinneerarsuussagaluarmata, Ombudsmandi inerniliilluni allappoq. Taassuma nalunaarusiaa Inatsisartuni nalunaaquttap akunnerani ataatsimi oqallisigineqareerluni tusaatissatut tiguneqarpoq.
„Kingusinaartoqartinnagu“
Anders Olsenip Siumumeersup partiit oqaaseqartui allat assigalugit ombudsmandip suliai ataqqilluinnarpai, aammali pisortat allaffissorneranni sulisut tatineqarnerat ernummatigalugu.
- Kingusinaartoqartinnagu sulisut pikkorissut atorfinitsinneqartariaqarput, oqarpoq.
Atassummit aamma tikkuarneqarpoq, “sulisut taarseraannerujussuat” akiorniarneqartariaqartoq. Naalakkersuisut siulittaasuata Jens-Frederik Nielsenip tamanna sulissutigineqartoq, oqaluttarfimmit oqaatigaa.
- Sulisut taarseraannerat misilittagaqarluartunillu sullissisartunik amigaateqarneq, suliat ingerlanneqarnerannut nalorninartorsiortitsillunilu kukkussuteqartitsisartoq ilisimaneqarpoq. Taamaattumik Naalakkersuisut piginnaasaqassutsinik ineriartortitsinissaq, ilinniaqqinnerit sulisussarsiornermilu nukittorsaaniarneq sulissutigiuarpaat, ilaatigut Ilisimatusarfik qanimut suleqatigalugu, oqarpoq.
Jens-Frederik Nielsen isumalluarnissamut aamma inissaqartitsivoq:
- Ukiuni arlalinni ajornartorsiuteqareerluta 2025-mi allaffissornikkut sulisussarsiortarnermi pitsanngoriartoqarneranik takussutissaqalerpugut. Ineriartorneq tamanna Naalakkersuisut iluarsaaqqinnertigut, sulisussanik piukkunnarsaanikkut annertunerpaamik atuinissaq tapersersorumaarpaat.
