ASSIT ATORLUGIT TUSAGASSIAQ
Ukioq manna assilisat takukkit: Nunani tamalaani politikimi sammineqarneq, Tasiilami inissaaleqineq politikerillu immikkut ittup qimagunnera
Ukioq angummaffiginaveersutut misinnarluni sisuuginnavippoq. Ukiumi pisoqarfioqisumi puigorneqarallarunnanngitsumi assilisat takukkit.
Kalaallit Nunaata oqaluttuarisaanerani akerliussutsimik takutitsinerit annersaat. Qaanaami, Tasiilami Nuummilu sumiiffinnilu allani ingerlaaqatigiittoqarpoq. Amerikamiut Nuummi sinniisoqarfiata saavanukaasoqarpoq.
Assi: Oscar Scott Carl
Assit pisimasut eqqaaminissaannut iluaqutigisarpavut. Nunarsuup avatangiiserisatta paasinissaanut. Kulturit, nunarsuarmut isiginnittaatsit inuiaqatigiillu assigiinngitsut akimorlugit attaveqarfigilersarpagut. Pisoq qaqugorsuarmut puigugassaajunnaarlugu assilineqartarpoq. Assit piffissamut uternissamut ikiuutitut takorluukkit: Piffissami aalajangersimasumi assilisaq, pisumi tassani susoqarneranik takutitsisarpoq.
Assilli aamma salloqittarsinnaavaatigut. Assiliinissaq sioqqullugu susoqarpa - kingornalumi? Assit aamma salloqittaasinnaapput. Silassorissuusiaq atorlugu pilersitaappat imaluunniit allanngorsagaappat? Piffissami matumani silassorissuusiamik atuinerujussuanngoqqaffimmi illit eqqumaffigisassat.
Assit pisimasut eqqaaminissaannut iluaqutigisarpavut. Nunarsuup avatangiiserisatta paasinissaanut. Kulturit, nunarsuarmut isiginnittaatsit inuiaqatigiillu assigiinngitsut akimorlugit attaveqarfigilersarpagut. Pisoq qaqugorsuarmut puigugassaajunnaarlugu assilineqartarpoq. Assit piffissamut uternissamut ikiuutitut takorluukkit: Piffissami aalajangersimasumi assilisaq, pisumi tassani susoqarneranik takutitsisarpoq.
Aqqaluaq B. Egedep Inatsisartut ataatsimiinnerisa ulluanni siullermi ikinngutigilluakkani pinnguaqatigisartakkanilu Hans Enoksen peqatiginnginnera aliasuutigaa. Hans Enoksen septembarimi toqukkut qimaguppoq.
Assi: Oscar Scott Carl
Assilli aamma salloqittarsinnaavaatigut. Assiliinissaq sioqqullugu susoqarpa - kingornalumi? Assit aamma salloqittaasinnaapput. Silassorissuusiaq atorlugu pilersitaappat imaluunniit allanngorsagaappat? Piffissami matumani silassorissuusiamik atuinerujussuanngoqqaffimmi illit eqqumaffigisassat.
Donald Trump Jr. Kalaallit Nunaannut januaarip arfineq-aappaanni tikeraarpoq. Trump Jr. pisortatigoortumik tikeraanngilaq, ilaatigut talerperliuniaq tusaamasaq Charlie Kirk, ukiup ingerlanerani toqutaasimasoq, ilagaa. Donald Trumpip ernermi Kalaallit Nunaannut tikeraaqqanerata nalaani Kalaallit Nunaannik aqutsilerniarluni sakkutuulersornissaq tunuarsimaarfiginagu oqaatigaa.
Assi: Emil Stach/Arctic Creative/Ritzau Scanpix
Assit uku salluliuutaanngillat. Piviusumi assilisaapput ukiumilu immikkut ittumi oqaluttuartuullutik. Aviisitsinni qularutigissanngilarsi: Assit takusatit tatigisinnaavatit. Tassa. Tamanna nukittuffigaarput pingaartitaralugulu. Assip qanoq paasinissaanik aqutsisinnaanatalu aalajangiisinnaanngilagut – tamanna nammineq akisussaaffigaat – piviusulli kisiisa takussutissiarisarpagut. Ukioq ima sukkatigaaq aatsaat assit qiviarlugit qanoq pisoqarsimatiginera eqqaasarpara.
Tasiilami inissaaleqisoqangaarmat inuppassuit ineqatigiittariaqartarput. Louis Kristiansenip inaani kinguaariit sisamat ineqatigiipput. Efraim Kristiansen assimiittoq ineeqqami marlunnik ineqateqarpoq.
Assi: Oscar Scott Carl
Avannaata Qimussersuani sukkaniunnissamut sapaatip-akunnerinnanngortoq, USA-mi præsidentip tulliata nuliata Usha Vancep tikeraarniarluni nalunaarmat, nunanit tamalaaniit malinnaavigineqalerpoq. Tikinnissaali nuanniitumik eqqartorneqalermat tikeraarnissani taamaatippaa. Qimussimilli sukkanniutitsinermik aaqqissuussisut USA-miit nunap sinniisoqarfia aqqutigalugu aningaasaliiffigineqarsimammat isornatorsiorneqangaatsiarput. Sukkaniunnerli pisarnertut ingerlanneqarpoq, Iluliarmiorlu Henrik Jensen Avannaani Qimussersuanngorluni. Sukkaniutereernerup kingorna pokalinnattoq uani takuneqarsinnaavoq.
Assi: Oscar Scott Carl
Kalaallit Nunaata oqaluttuassartaani ukioq 2025 immikkorluinnaq ittutut ilaajuaannassaaq. Qaammatini kingullerni aqqaneq-marlunni pisut ernuttannut oqaluttuarisassavatit. Ernutaaqqavillu aanaap suut eqqartornerai paasitissagukkit assit uku takutissinnaavatit.
Suialaa Arts Festival ukiunik qulinngortorsiorpoq. Festivalimi aqutsisoq Pauliina Oinonen uani takuneqarsinnaavoq.
Assi: Oscar Scott Carl
Usha Vancep tikeraarnissaa sioqqullugu amerikamiut timmisartui Herculesit marluk marsip 23-anni tikipput. Timmisartumit biilit sisamat aallaaneqarsinnaanngitsut aasarsiutinik assakaasullit anillapput, taakkulu tikeraartussamik angallassisuusussaassallutik. Usha Vancep tikeraarnissani taamaatimmagu ullut pingasut qaangiummata USA-mut uterput.
Assi: Oscar Scott Carl
Ministeriuneq Mette Frederiksenip arnat kalaallit, Danmarkip peqqinnissaqarfik 1992 sioqqullugu akisussaaffigigallarmagu, aaqqissussaanikkut immikkoortinneqarlutik spiralilersorneqarsimasut Katuami septembarip 24-anni utoqqatserfigai.
Assi: Mads Claus Rasmussen/Ritzau Scanpix
"Danmark, maani killeqarpoq!" Nuummi eqqissisimasumik sisamanngornermi februaarip 27-anni akerliussutsimik takutitsisoqarmat taanna qulequtarineqarpoq. Piviusulersaarut "Grønlands Hvide Guld" Ivittuuni orsugiassiorfimmut tunngasoq februaarip aallartinnerani saqqummermat, Kalaallit Nunaata Danmarkillu ataqatigiinnerat ajorseriaqqippoq. Piviusulersaarummi kisitsisit eqqartorneqartut isornartorsiorneqalermata taanna DR-imiit kingorna peerneqarpoq. Akerliussutsimik takutitsineq "Danskit politikerit, tusagassiorfiit aammalu inuit attaveqaqatigiittarfiatigut nikassaasut kinaassusersiortullu akuerinagit takutikkit" oqaasertalerneqarpoq.
Assi: Oscar Scott Carl
Nuummi GUX-imi ilinniartut 101-t nasartaartut. Tassani GUX-imiit illoqarfiup qeqqanut Amisunukartarneq ileqqorineqartoq uani ingerlaarfigaat.
Assi: Oscar Scott Carl
Demokraatit siulittaasuat Jens-Frederik Nielsen marlunngornermi marsip 11-anni 2025-mi qinersinermi ajugaarujussartoq.
Assi: Oscar Scott Carl
Kalaallit Nunaata oqaluttuarisaanerani sakkutuut sungiusarnerisa aaqqissuunneqartut annersaat, Kangerlussuarmi "Arctic Light"-imik atserlugu ingerlanneqarpoq. Sakkutuut qallunaat, tyskit, franskit, norskit, svenskillu sungiusaqataapput. Franskit sakkutuui immikkut piginnaasallit assimi takuneqarsinnaapput.
Assi: Oscar Scott Carl
Tunumi saarullinniat. 22-nik ukiullip Enos Kristiansenip (qeqqarleq) Tasiilami aalisakkerivik nutaaq ilaquttami pilersorniarnerannut qanoq iluaqutaatigisimanersoq oqaluttuaraa.
Assi: Oscar Scott Carl
Nunani tamalaani politikikkut soqutigineqaleruttornerup nalaani franskit præsidentiat Emmanuel Macron juunip qaammataani tikeraarpoq. Franskit præsidentiini siullersaalluni Kalaallit Nunaannut tikeraarpoq. Naalakkersuisut siulittaasuat Jens-Frederik Nielsen ministeriunerlu Mette Frederiksen peqatigalugit Issittumi sillimaniarneq, suleqatigiiffiusinnaasut silallu pissusaata allanngoriartornerata kinguneri oqaluuseraat.
Assi: Oscar Scott Carl
Taalliortup Paarnaq Rosing Jakobsenip angummi annaanerata kingorna imaq katsorsaatigisarpaa.
Assi: Oscar Scott Carl
Kalaallit Nunaata ussatingineqaleruttornerani Kunngi Frederik X Nuummut tikeraarpoq. Taanna tusagassiortorpassuarnik malinnaavigineqarpoq. Inuppassuit kunngi ilassiartorpaat
Assi: Oscar Scott Carl
Pisarnertut juunip 21-ani inuiattut ullorsiorneq ingerlaaqatigiinnermik aallartinneqarpoq, puiseqqaanniuuttoqarpoq qamutilittartoqarlunilu. Gerth Lyngedal minutsit 50-it atorlugit pisaqaqqaartuulluni ajugaavoq.
Assi: Oscar Scott Carl
Erik Jensenip qinersinermi ajorsarnermut akisussaaffik tigullugu Siumumi siulittaasutut aqaguani tunuarpoq. Siumut Kalaallit Nunaanni ukiorpassuarni siuttuusarnikuulluni, ukioq manna qinersinermi 14,7 procentinik taaguunneqarpoq. 2021-mi qinersinermi inernerit affaraat.
Assi: Oscar Scott Carl
Pisartagaqarneq
Allaaserisaq tamaat atuarniarukku atuisunngortariaqarputit! Iserit!
Sermitsiaq.gl – Nittartagaq
Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00
Pisigit
Sermitsiaq - E-aviisi
Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677
Toqqaagit
AG - Atuagagdliutit E-aviisi
Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq.gl-mi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677
Toqqaagit
Sermitsiaq.AG+
Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik iserfigisinnaalissavatit
Arnanut e-magasinatut atuarsinnaalissavat
Nutserisoq.gl atorsinnaanngussavat
Soqutiginnikkuit abonnement@sermitsiaq.gl-imut allagaqarsinnaavutit
Toqqaagit
Asasarput atuartartoq,
Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit.
Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut.
Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit.
Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.
