Kalaallit Nunaanni suliffeqarfiit nalittoriartortut

Ingerlatseqatigiiffiit arlallit Kalaallit Nunaanni suliaqartut USA-mi børsimi annertuumik nalittoriartorput.

Kalaallit Nunaanni aktiat arlallit ataasinngornermi qaffakkiartorput, Donald Trumpip USA-p Kalaallit Nunaat Danmarkilu isumaqatigiissuteqarfiginiarai ilaatigut amerikamiut sakkutuuisa nunamiiginnarnissaat pillugu tallimanngornermi unnukkut nalunaaruteqarnerata kingorna.

Assi: Evan Vucci/Reuters/Ritzau Scanpix

Ritzau Ritzau

Saqqummersinneqarpoq 21. Septembari 2026 - 15:10

Ussassaarut

USA-p, Danmarkip Kalaallit Nunaatalu akornanni isumaqatigiissut naammassineqarnerata nalunaarutigineqarnerata kingorna Kalaallit Nunaanni suliffeqarfiit arlallit aktiaataasa nalingat ataasinngornermi qaffappoq.

Amerikami børsimi niuerneq ammarneqarmat Greenland Energyp aktiaa 127 procentimik qaffariarpoq, Greenland Minesip aktiaa 136 procentimik qaffariarluni.

Suliffeqarfiup Critical Metals Corp-ip, Kalaallit Nunaanni aatsitassanik qaqutigoortunik piiaasartuusup, aktiaa aamma 33 procentimik qaffappoq.

- Kalaallit Nunaanni aatsitassat soqutigineqaraluttuinnarput. Aatsitassallu pisariaqartinneqartut Europap pilersorneqarnera isumannaatsuuneranut aamma mingutsitsitinngitsumik aaqqissuussaaneranut aaliagiisuupput, aatsitassarsiorneq pillugu Dansk Industrimi pisortaq Peter Thagesen oqarpoq.

Taassuma erseqqissarpaa suliffeqarfinnut Danmarkip, Kalaallit Nunaata USA-llu akornanni isumaqatigiissut, Kalaallit Nunaanni siunissami ineriartornerup erseqqissumik aalajaatsumillu ingerlannissaanut iluaqutaasinnaasoq.

Ussassaarut

- Tamanna aningaasaliinissamut siunissaq ungasinnerusoq eqqarsaatigalugu pingaaruteqarpoq, allappoq.

Isumaqatigiissutip tamatuma qanoq paasisariaqarnera suli ilisimaneqanngilaq.

Naalakkersuisut pingasut isumaqatigiissummik FN-ip ataatsimeersuarneranut atatillugu atsiornissaat sapaatip-akunnerata aallartinnerani naatsorsuutigineqarpoq.

Isumaqatigiissummi Kalaallit Nunaata soqutigisai nunanilu tamalaani suleqatigiinnermi inissisimaffia akuerineqarput, Naalakkersuisut siulittaasuat Jens-Frederik Nielsen tamanut ammasumik nalunaarummi oqarpoq.

Kalaallit Nunaanni naalakkersuisut nunanit allanit qillerinermik suliaqartut arlallit aasaq manna siusinnerusukkut ilaatigut, amerikamiut aatsitassarsioqatigiiffiat Greenland Energy itigartippai. Qillerineq aallartitsinnagu "oqartussat suliaqarnerat naammassineqarsinnaanngimmat".

Greenland Energy, USA-p præsidentianut attaveqartunik arlalinnik atorfinitsitsisimasoq siornatigut nalunaarpoq oktobarimi qillerinerit aallartissinnaallugit.

RITZAU